ئاژانسی هەواڵی زاگرۆس

سه‌باره‌ت به‌ دووه‌مین کۆبونەوەی هەرێم و عێراق، وه‌زاره‌تی دارایی راگه‌یه‌نراوێكی بڵاوكرده‌وه‌

 

ئه‌مڕۆ دووشه‌ممه‌ وەزارەتی دارایی و ئابوری رایگه‌یاند، له‌ دووەمین کۆبونەوەی لیژنەی هاوبەشی نێوان هەرێمی کوردستان و حکومەتی عێراق، هەردولا هاوڕابوون کە یەک سیاسەتی گومرگی لەسەر ئاستی عێراق و هەرێمی کوردستان جێبەجێ بکرێت.

وه‌زاره‌تی دارایی و ئابوری حكومه‌تی هه‌رێمی كوردستان رایگه‌یاند، ڕۆژی دوو شەممە ڕێکەوتی ١ ی تەموزی ٢٠٢٤، دووەمین کۆبونەوەی لیژنەی هاوبەشی نێوان هەرێمی کوردستان و حکومەتی عێراق لەسەر یەکخستنی سیاسەتی گومرگی و چارەسەری کێشەکانی تایبەت بەخاڵەسنوریەکان لە چوارچێوەی یاساو دەستوور لە نێوان هەردولا بەسەرپەرشتی دکتۆر محەمەد تەمیم جێگری سەرۆک وەزیران و وەزیری پلاندانانی عێراق بەڕێوەچوو.

باسی له‌وه‌ش كرد، لە کۆبونەوەکەدا کە هەریەک لە بەڕێزان ڕێبەر ئەحمەد وەزیری ناوخۆو ئاوات شێخ جەناب وەزیری دارایی و ئابوری و بەڕێوەبەری گشتی گومرگ لە هەرێمی کوردستان و لەحکومەتی عێراقیش وەزیرانی ناوخۆو دادو ئاوەدانکردنەوەو خوێندنی باڵا و بەرپرسانی دەستەی دەروازە سنوریەکان ئامادەی بوون، گفتوگۆ لەسەر ئەو کێشەو گرفتانە کرا کە لە بواری گومرگ و خاڵەسنوریەکان لە نێوان هەردولا هەن و جەخت لەسەر جێبەجێکردنی خاڵەکانی کۆنوسی کۆبونەوەکانی ڕابردوو کرایەوە وەک نەخشە ڕێگای چارەسەری کێشەکان.

وتیشی، لە کۆتایی کۆبونەوەکەدا شاندی هەردولا هاوڕابوون کە یەک سیاسەتی گومرگی لەسەر ئاستی عێراق و هەرێمی کوردستان جێبەجێ بکرێت و هەماهەنگی زیاتر بکرێت بۆ پاراستی بەرهەمی ناوخۆ و جێبەجێکردنی ڕۆژنامەی کشتوکاڵی، بۆ ئەو مەبەستەش بڕیارە هەماهەنگی و کۆبونەوەکان بەردەوامی هەبێت تا گەیشتن بە ڕێکەوتنی کۆتایی.

May be an image of 7 people and text

May be an image of 7 people and text

May be an image of 6 people, newsroom and text

May be an image of 3 people and text

 

هەواڵی پەیوەندیدار

رۆژی یەکشەممەی داهاتوو بۆ دوو کاتژمێر هێلەكانی ئینتەرنێت رادەگیرێن

سەڵاح

حکومەتی هەرێم هەشت پرۆژەی جیاواز لە قەزای ئاکرێ جێبەجێ دەکات

سەڵاح

بیست كیلۆ مادده‌ی هۆشبه‌ر ده‌ستی به‌سه‌ردا گیرا و دوو كه‌سیش ده‌ستگیركران

سەڵاح