ئێوارەی ئەمڕۆ دووشەممە له كهلار كرێكارێك لە كاتی كاركردن و هەڵكەندنی بیرێكدا كارەبا لێی دەدات و بەهۆیەوە گیانلەدەست دەدات.
رووداوەكە لە شارۆچكەی كەلار روویداوە و كرێكارەكە ناوی (كەریم مەحموود رەسوول) لەدایكبووی ساڵی 1966 دانیشتووی شارەدێی رزگاری سەر بە شارۆچكەی كەلارە.
عەقید عەلی جەمال گوتەبێژی پۆلیسی گەرمیان لەبارەی رووداوەكە گوتی: ئێوارەی ئەمڕۆ دووشەممە تەرمی كرێكارەكە هێنرایە پزیشکی دادوەری شارۆچكەی کەلار.
گوتیشی: بە گوتەی کەسوکاری كرێكارەكە لەنێو باخێک لە نزیک ناوچەی پیشەسازی کەلار بیری هەڵکەندووە و لەنێو بیرەکەدا کارەبا گرتوویەتی و گیانی لەدەستداوە.
ئاماژەی بەوەش دا كە ئێستا بە بڕیاری دادوەر و بەپێی مادەی 411، خاوەنی باخەکە بەندکراوە و پۆلیس لەسەر چۆنێتی ڕووداوەکە دەستی بە لێکۆڵینەوە کردووە.