ئومێد خۆشناو پارێزگاری هه‌ولێر له تۆڕی كۆمه‌ڵایه‌تی فه‌یسبووك رایگه‌یاند، لە سەر ڕاسپاردە و فەرمانى سەرۆکى حکومەتى هەرێمى کوردستان، لە پێناو زیاتر خزمەتکردنى هاوڵاتییان و گەیاندنى پڕۆژە خزمەتگوزارییەکان و ئاوەدانى پتر بە سنوورە جیاوازەکان و باشتر ڕاییکردنى کار و بارە ئیداریی و کارگڕییەکانى هاوڵاتییان لە فەرمانگاکان، ئەمڕۆ چوارشەممە 2024.9.25، ڕێزدار مەسرور بارزانى، سەرۆکى حکومەتى هەرێمى کوردستان لە گوتاری ڕێوڕەسمی زەنگ لێدانی ساڵی نوێی خوێندنی 2024-2025، موژدەی بە قەزاکردنی ناحیەی تەقتەقى لە سنووری پارێزگای هەولێر ڕاگەیاند.
وتیشی، هەر ئەمڕۆ بڕیارەکە کەوتە بوارى جێبەجێکردنەوە و لەم نزیکانە ڕێکارە ئیدارى و یاساییەکان بۆ تەواوکردنى کاروبارەکان دەستپێدەکات.
