ئه‌ڤرۆ رۆژا چارشه‌مبى د.عه‌لى ته‌ته‌ر، پارێزگارێ دهۆكێ هه‌ڤدیته‌نك دگه‌ل خانم ڤیان عه‌باس سه‌روكا لقێ دهۆك یا سه‌ندیكا رۆژنامه‌نڤیسێن كوردستانێ و هژماره‌كا رۆژنامه‌ڤانێن پارێزگه‌ها دهۆكێ ژده‌زگه‌هێن جودا جودا سازكر.
دهه‌ڤدیتنێدا سه‌روكا لقێ دهۆك یا سه‌ندیكا رۆژنامه‌نڤیسێن كوردستانێ چه‌ند رونكرن دانه سه‌ر پیشه‌یا رۆژنامه‌ڤانیێ وئاسته‌نگ وئاریشه‌یێن دكه‌ڤنه هه‌مبه‌ر كارێ رۆژنامه‌ڤانان وه‌كو په‌یداكرنا داتا وپێزانیان بۆ راپورتێن رۆژنامه‌ڤانى وخواست كو پارێزگارێ دهۆكێ پشته‌ڤانیێ ل كارێ رۆژانه یێ رۆژنامه‌ڤانا بكه‌ت.
ژلایێ خۆڤه پارێزگارێ دهۆكێ رولێ كاریگه‌ر یێ میدیاكار و رۆژنامه‌ڤانیێ باش به‌رچاڤ و دیاركر هه‌مبه‌ر رومالكرنا چالاكیێن گشتى وجورا وجور ودوپاتى ل ئازادیا رۆژنامه‌ڤانی ورۆژنامه‌گه‌ریێ كر وخواست هه‌موو رۆژنامه‌ڤان ومیدیاكار ب هه‌سته‌كا نیشتمانى ونه‌ته‌وه‌یى وبره‌نگه‌كێ پیشه‌یى ولدویف یاسا وپره‌نسیپێن رۆژنامه‌گه‌رى كار وخزمه‌تێ پێشكێشبكه‌ن وپشته‌ڤانیا كارگێریا پارێزگه‌هێ نیشان دا بۆ هه‌ر هاریكاریه‌كێ.
پاش چه‌ند پسیار و پێشنیار ژلایێ رۆژنامه‌ڤانێن به‌رهه‌ڤبوى هاتنه ئاراسته‌كرن و به‌رسڤ ل سه‌ر هاتنه دان.