ئاژانسی هەواڵی زاگرۆس

خسرۆ هەركی : سەرۆك بارزانی سومبلی ئاشتی و ئەندازیاری چارەسەركردنی پرسە گرنگەكانە

كادیرێكی پێشكەوتووی پارتی دەلێت دوای شەش سال سەردانەکەی ئەمرۆی سەرۆک مسعود بارزانی سیمبولی ئاشتی و ئەندازیاری چارەسەرکردنی کێشەکان گرنگیەکی تایبەتی هەیە بەتایبەت  بۆ چارەسەرکردنی کێشەکانی نێوان هەرێمی کوردستان و حکومەتی فیدرال .

پارێزەر خسرۆ هەركی كادیری پێشكەوتووی پارتی بە ئاژانسی هەوالی زاگرۆسی ڕاگەیاند کۆمەلێک پرسی چارەسەرنەکراو لە نێوان بەغداو هەولێر هەن و پێویستیان بە ڕۆلی کاریگەری سەرۆک بارزانی هەیە بۆ چارەسەرکردنیان وەکو پرسی بودجە و رێکەوتنی شنگال و حکومەتی خۆجێی کەرکوک …. هتد ، وە هەروەها چارەسەرکردنی کێشەکانی نێوان پێکهاتەکانی عێراق  کە هەمیشە سەرۆک بارزانی رۆلی سەرەکی هەبوە لە چارەسەرکردنیان ئەم سەردانەش سەردانێكی یەكلاكەرەوەیە بۆ چارەسەركردنی كێشەكان.

خسرۆ هەركی گوتیشی بێگومان میدیا نێوخۆیی و بیانیەکان بە گرنگیەوە چاودێری سەردانەکەی سەرۆك بارزانی دەکەن بۆ بەغدا وە هەروەها سەرکردەو لایەنە سیاسی و حکومیەکانی بەغداش چاوەڕێ ی رۆلی کاریگەری سەرۆک بارزانین لە چارەسەرکردنی قەیرانەکانەکانی نێوان هەرێم و بەغدا .

ئەو كادیرەی پارتی گوتیشی هەموویان دەزانن کە سەرۆک بارزانی چ رۆلێکی خەمخۆرانە و ئاشتیخوازانەی هەیە لە چارەسەرکردنی کێشەکان و لێک نزیکردنەوەی پێکهاتەکانی گەلی عێراق.

خسرۆ هەركی گوتیشی هەروەها سەرۆک بارزانی رۆلی هەبووە لە ناوبژی و چارەسەرکردنی کێشەکانی نێوان سونە و شیعە چونکە سەرۆک بارزانی دامەزرێنەری عێراقی فیدرالە لە سالی ٢٠٠٣.

 

 

گۆران هەركی

هەواڵی پەیوەندیدار

سەرپەرستی وەزارەتی دەرەوەی ئێران: دانووستانمان لەگەڵ ئەمریکا بەردەوامە

سەڵاح

پەیامێك لە وەزارەتی بەرگریی ئەمریكاوە بۆ هێزەكانی پێشمەرگە

سەڵاح

‎بریارى یەک ساڵ لێخۆشبوون لە کرێى ساڵانە و 6 مانگ لە ڕوسماتى خاشاکى بۆ ئەو دووكانانەی سوتاون پەسەندكرا

گوران