ئاژانسی هەواڵی زاگرۆس

گەنمی جوتیارانی ئیدارەی سەربەخۆی ڕاپەڕین وەردەگیرێت

 

گەنمی جوتیاران لە ئیدارەی سەربەخۆی ڕاپەڕین، هاوشێوەی پارێزگا و ئیدارە سەربەخۆكانی دیكەی هەرێمی كوردستان، وەردەگیرێت.

لە ڕێكەوتی 6 ی حوزەیرانی 2024، تاكوو ئێستا (6 ی تەممووزی 2024)، بڕی 17 هەزار تۆن گەنم وەرگیراوە و بڕیارە بە هەمووی، 38 هەزار تۆن وەربگیرێت و لە سایلۆدا هەڵگیرێت.

شەماڵ ڕەسوڵ حوسێن، بەڕێوەبەری سایلۆی ڕانیە، بە فەرمانگەی میدیا و زانیاری گوت: “بۆ ئەمساڵ 38 هەزار تۆن گەنم لە جوتیاران وەردەگیرێت و تاكوو ئێستاش 17 هەزار تۆن گەنم لە جوتیارانی ئیدارەی سەربەخۆی ڕاپەڕین وەرگیراوە”.

پرۆسەی وەرگرتنی گەنم لە سایلۆكانی هەرێمی كوردستان لە هەموو پارێزگا و ئیدارە سەربەخۆكان بەردەوامە؛ بۆ فراوانكردنی پرۆسەكە و زیاتر گەشەپێدانی ئاسایشی خۆراك لە هەرێمی كوردستاندا، كابینەی نۆیەم 3 سایلۆی گەورە و نوێی لە كەلار و قوشتەپە و بەردەڕەش دروست كردووە، كە هەرسێكیان توانای 120 هەزار تۆن هەڵگرتنیان هەیە و سایلۆی هەڵەبجەش لە تەواوبووندایە.

گەنمی ئەمساڵی جوتیارانی هەرێمی كوردستان گەنمێكی زۆر چاكە و بەپێی زانیارییەكان، پێشبینی دەكرێت بەرهەمی گەنمی ئەمساڵ لە هەرێمی كوردستان بگاتە 2 ملیۆن و 500 هەزار تۆن.

هەواڵی پەیوەندیدار

به‌وێنه‌…. سەرۆکی حکومەت شوێنی ئاگرکەوتنەوەی بازاڕی قەیسەری هەولێر بەسەردەکاتەوە

سەڵاح

ئەنجومەنی وەزیران: پێویستە وەزارەتی دارایی حکومەتی فیدڕاڵ تەواوی مووچەی مووچەخۆران بۆ وەزارەتی دارایی هەرێم بنێرێت و جیاکاری نەکات لە نێوان مووچەخۆراندا

یاسین

هه‌ولێر… لە رووداوێكی هاتووچۆدا دوو کەس گیانیان له‌ ده‌ستدا

سەڵاح