ئاژانسی هەواڵی زاگرۆس

ئەنجوومەنی نوێنەرانی عێراق هەمواری یاسای بودجەی پەسند كرد

لە دانیشتنی ئەمڕۆ یەكشەممەدا ئەنجوومەنی نوێنەرانی عێراق هەمواری یاسای بودجەی پەسند كرد.نووسینگەی راگەیاندنی ئەنجوومەنی نوێنەران لە بەیاننامەیەكدا بڵاوی كردەوە: ئەمڕۆ یەكشەممە ئەنجوومەنی نوێنەرانی عێراق دەنگی بە هەمواری یاسای بودجەی فیدڕالی كۆماری عێراق ژمارە 13ی ساڵی 2023ی بۆ ساڵانی (2023، 2024، 2025)ی پەسند كرد.

ئەنجوومەنی نوێنەرانی عێراق ئەمڕۆ یەكشەممە بە ئامادەبوونی 176 پەرلەمانتار كۆبووەوە و یاساكەی پەسند كرد.

لەبارەی پەسندكردنی هەمواری یاسای بودجە، د. شاخەوان عەبدوڵا جێگری سەرۆكی ئەنجوومەنی نوێنەرانی عێراق رایگەیاند “سوپاس بۆ خودا لە پەرلەمان دەنگ لەسەر هەمواری یاسای بودجە دراو”.

راشیگەیاند “ئیتر هیچ بیانوویەک لەبەردەم هەناردەکردنەوەی نەوتی هەرێم و نەناردنی بودجەی هەرێم نەما”.

بەگوێرەی بڕگەی 12ی یاساكە، دەست بە هەناردەكردنی نەوتی هەرێمی كوردستان دەركرێتەوە و تێچووی بەرهەمهێنانی هەر بەرمیلێك نەوتی هەرێمی كوردستانیش 16 دۆلار دیاریكراوە.

هەواڵی پەیوەندیدار

مەسرور بارزانی: لە سایەی پارتیدا، بنەماکانی پێکەوەژیان لە کوردستان بەهێزتر دەبێت

یاسین

شاندێکی سه‌رۆکایه‌تیی هەرێم بۆ سه‌ره‌خۆشی سه‌ردانی کونسولخانه‌ی ڕووسیای كرد

سەڵاح

لالیگا.. ریال مەدرید بە سەرکەووتن هاندەرانی ئاشتکردەوە

یاسین