ئاژانسی هەواڵی زاگرۆس

بارسێلۆنا نرخی فرۆشتنی یاریزانێکی دیاری دەکات

یانەی بارسێلۆنای ئیسپانی نرخی ئەستێرەی بەڕازیلی یانەكەی رافینیا دیاری دەكات.

 

رافینیا لە هاوینی ساڵی 2022 لە ریزەكانی لیدز یونایتدەوە بە بەهای 58 ملیۆن یۆرۆ پەیوەندی بە بارسێلۆناوە كرد.

 

گرێبەستەكەی هێرشبەرە بەڕازیلیەكە لەگەڵ یانە كەتەلۆنییەكە لە هاوینی ساڵی 2027 بەسەردەچێت.

 

لە دوای رۆیشتنی چاڤی هێرناندێز و پەیوەندیكردنی هانسی فلیك بە یانەكەوە داهاتووی رافینیا دیار نییە.

 

بەپێی زانیارییەكانی رۆژنامەی موندۆ دیپۆرتیڤۆی ئیسپانی، رافینیا لە ناو یانەی بارسێلۆنادا رێزێكی زۆری لێ دەگیرێت و پێیان وایە یاریزانێكەكە نابێت دەستبەرداری ببن.

 

بە گوێرەی زانیارییەكانی هەمان سەرچاوە، بارسێلۆنا نایەوێت دەستبەرداری رافینیا ببێت، تەنیا بە مەرجێك نەبێت، ئەگەر 90 ملیۆن یۆرۆ بۆ گواستنەوەی پێشكەش بكرێت.

 

ئاماژە بەوەشكراوە، لە ماوە رابردوودا چەندین ئۆفەر بۆ گواستنەوەی رافینیا پێشكەش كراوە، بەڵام ئۆفەرەكان نەگەیشتووەتە ئەو بڕەی بارسا داوای دەكات.

 

  • وەرزی رابردوو رافینیا 37 یاری لەگەڵ بارسێلۆنا كرد و توانی 10 گۆڵ بكات و 13 گۆڵیش درووست بكات.

 

یاریگا

هەواڵی پەیوەندیدار

ئیتاڵیا داوا لە ئێران دەکات دان بەخۆیدا بگرێت

سەڵاح

ماڵپەڕ ئاژانسی هەواڵی زاگرۆس نوێدەكرێتەوە و بە ڤێرژنێكی پێشكەوتوو وەشانی دەست پێدەكات

hakar herki

شاندێكی ئیماراتی له‌ بواری شوێنه‌واردا له‌ هه‌ولێرن

سەڵاح