گرێبەستی بارسێلۆنا لەگەڵ یەکێک لە ئەستێرەکانی لالیگا مشتومڕێکی زۆر لە شارە کەتەلۆنییەکەدا دروست دەکات.
نێکۆ ویلیامز، ئەستێرەی ئەتلەتیک بلباو، هاوینی ڕابردوو ئامانجی سەرەکی بارسێلۆنا بوو، پێش ئەوەی بڕیاریدا بۆ وەرزێکی دیکە لەگەڵ تیپەکەی بەردەوام بێت.
بەگوێرەی پرۆگرامی “ئێل شێرێنجیتۆ”ی ئیسپانی، سەرەڕای دەنگۆی نزیکبوونەوەی ویلیامز لە گرێبەستکردن لەگەڵ بەرشەلۆنە لە چەند مانگی ڕابردوودا، بەڵام ئەو یاریزانە هاوینی ڕابردوو هیچ ڕەزامەندییەکی بە بەرپرسانی بارسا نەدا سەبارەت بە گواستنەوەی ئەو یاریزانە.
ڕوونیشیکردەوە، ویلیامز بڕیاریدا ڕۆیشتنی بۆ ماوەی ساڵێک دوابخات، هەروەها ئیدارەی بەرشەلۆنەی ئاگادارکردەوە کە هاوینی داهاتوو گرێبەست لەگەڵیان دەکات.