ڕاپۆرتێکی ڕۆژنامەوانی فەرەنسا ڕۆژی دووشەممە ڕایگەیاند، یانەی ئەتلەتیکۆ مەدرید ئارەزووی گواستنەوەی یاریزانێکی پێشووی بەرشەلۆنە دەکات لە ماوەی گواستنەوەی زستانەی ئێستادا.
لە ڕاپۆرتەکەدا ئاماژە بەوە کراوە کە زۆر یانە هەن کە پەیوەندییان بەو یاریزانە هەیە، لەوانە ڕیال بیتیس، ڤالێنسیا، سیڤیلیا، ڤیاریال، بۆلۆنیا، کۆمۆ و بێنفیکا.
بەڵام لە ئێستادا ئەتلەتیکۆ مەدرید چاودێری بارودۆخی مێلۆ دەکات، بە مەبەستی گواستنەوەی لە مانگی یەکدا.
ئەتلەتیکۆ پەیوەندی بە شاندی یاوەری میلۆوە کرد، پێشبینیش دەکرێت لە چەند ڕۆژی داهاتوودا هەڵوێستەکەی یەکلایی بکرێتەوە.
مێلۆ (28 ساڵ) گرێبەستی لەگەڵ یانەی یۆڤانتۆس هەیە تا مانگی حوزەیرانی 2026.