لامین یامال، ئەستێرەی یانەی بەرشەلۆنە دووپاتیکردەوە کە بەنیازە بۆ ماوەیەکی زۆر لەگەڵ بارسا بمێنێتەوە.
وتیشی: نازانم کەی گرێبەستە نوێیەکە واژۆ دەکرێت، بەڵام بەم نزیکانە واژۆ دەکرێت، بەرشەلۆنە یانەی ژیانی منە، هیوادارم گرێبەستەکەم نوێ بکەمەوە و تا دەتوانم بمێنمەوە، دەمەوێت لە خولی ئیسپانیا یاری بکەم و لەگەڵ بارسادا.
یاریزانەکە دەڵێت: تەمەنم پێنج ساڵ بوو کاتێک نەیمارم لە سانتۆس بینی، کاتێک تەمەنم حەوت ساڵ بوو بە شێوەیەکی ڕاستەوخۆ لە کامپ نۆ بینیم بەڵێ، ڕاستە مێسی لەوێ بوو و ئەویش زۆر نایاب بوو شتێکی جیاواز بوو.
وتیشی: خوێندن و ڕکابەریکردن ئاسان نییە، بەڵام مامۆستایان لە دۆخەکە تێدەگەن، ئەگەر ببینن ئێمە لە قۆناغی چارەکی کۆتایی یان 16ی کۆتایی پاڵەوانێتییەکانداین، ئەوا ئەرکی زۆرم پێنادەن.
