ئاژانسی هەواڵی زاگرۆس

پوتین: ئۆكرانیا له‌ هه‌رێمه‌كان بكشێته‌وه‌ و ده‌ستبه‌‌رداری بوون به‌ ئه‌ندام له‌ ناتۆ بێت، شه‌ڕ راده‌گرین

 

سەرۆکی ڕووسیا، ڤلادیمێر پوتین رایده‌گه‌ێنێت، کە ئەگەر ئۆکراینا لە دۆنێسک، لوهانسک، خێرسۆن و زاپۆریژیا بکشێتەوە و دەستبەرداری خواستی بەشداریکردن لە ناتۆ بێت، دەتوانن دەست بە دانوستان بکەن و ڕایگەیاند: “داوای داخستنی لاپەڕەی تراژیدی مێژوو و هەنگاو بە هەنگاو بنیاتنانەوەی پەیوەندی دراوسێی باشی ڕووسیا لەگەڵ ئۆکراینا و ئەورووپا دەکەین لەسەر بنەمای متمانە”.

پوتین لە بینای وەزارەتی دەرەوەی وڵاتەکەی لە مۆسکۆی پایتەخت لەگەڵ بەرپرسانی وەزارەتی دەرەوەی ڕووسیا کۆبووەوە.

لە کۆبوونەوەکەدا وەزیری دەرەوەی ڕووسیا، سێرگی لاڤرۆڤ و ڕاوێژکاری سیاسەتی دەرەکی کرملین، یوری ئوشاکۆڤ و ژمارەیەکی زۆر لە بەرپرسان بەشداریان کرد.

لە کۆبوونەوەکەدا پوتین مەرجەکانی ڕووسیای بۆ ئاگربەست لەگەڵ ئۆکراینا ڕايگەیاند و، گوتی: “پێویستە یەکە سەربازییەکانی ئۆکراینا لە کۆمارەکانی دۆنێسک و لوهانسک، ناوچەکانی خێرسۆن و زاپۆریژیا بکشێنێتەوە. دوای ئەوەی کیێڤ بە فەڕمی ڕایگەیاند کە ئامادەی ئەمەیە و دەست بە کشانەوەی یەکەکانی بکات و دەستبەرداری پلانی خواستی بەشداری کردن لە ناتۆ بێت، خێرا فەرمان دەکەین بە ڕاگرتنی شەڕ و پێکدادانەکان و دەستپێکردنی دانوستانەکان”.

گوتیشی: “ئەمڕۆ دووبارە داواکاری ئاشتییەکی ڕاستەقینە ئاڕاستەی ئۆکراینا دەکەین. داوای کۆتاییهاتنی شەڕ و پێکدادانەکان دەکەین، نەک ئاگربەستی کاتیی و چەقبەستنی بابەتەکە”.

سەرۆکی ڕووسیا پوتین باسی لە کۆنفرانسەکەی سویسرا کرد و، ڕایگەیاند: “بانگهێشتی کۆنفرانسەکەی سویسرا نەکراین. بەبێ ڕووسیا و دروستکردنی دیالۆگێکی کراوە و بەرپرسانە لەگەڵ ئێمەدا، ئەستەمە چارەسەر بۆ ئاسایشی ئۆکراینا و ئەوررووپا بدۆزرێتەوە”.

 

هەواڵی پەیوەندیدار

دووه‌مین فێستیڤالا خانى یا ره‌وشه‌نبیرى هاته‌ گێران

یاسین

داهاتی بەشی دووەمی “Dune” لە سینەماکانی جیهاندا

ART

فیلمی “خۆشەویستی لە سەردەمی کۆرۆنا” لە سینەماکانی کوردستان نمایش دەکرێت

ART