ئاژانسی هەواڵی زاگرۆس

گرووپی شانۆی هەوار دوو خەڵاتی یەكەمی فێستیڤاڵی نێودەوڵەتی “عشیات”ـی بەدەستهێنا

گرووپی شانۆی هەوار، سەر بە وەزارەتی رۆشنبیری و لاوانی حکومەتی هەرێمی کوردستان، دوای ئەوەی بەشداری لە 17ـەمین فێستیڤاڵی نێودەوڵەتی عشیاتی سرووتە شانۆییەکان لە ئوردن كرد، دوو خەڵاتی یەكەمی فێستیڤاڵەكەی بەدەستهێنا.

لە فێستیڤاڵەكەدا گرووپە شانۆییەكانی 11 وڵاتی جیهان بە نمایشی 18 دەقی شانۆیی بەشدار بوون و بە پشتیوانی وەزارەتی رۆشنبیری و لاوان، گرووپی شانۆی هەوار لە هەرێمی كوردستانەوە بەشداربوو.

لە فێستڤاڵەكەدا، گرووپی شانۆی هەوار نمایشی شانۆیی سەلمەی پێشكەش كرد، كە ناوەڕۆكی باسی لە تاوانەكانی جینۆساید، ئەنفال و كیمیابارانی دەكرد.

لیژنەی داوەری فێستیڤاڵەكە، خەڵاتی باشترین نمایشی فێستیڤاڵ و باشترین خەڵاتی ئەکتەری کچیان بەخشی بە گرووپی شانۆی هەوار.

ئەو دەقە شانۆییە مانگی رابردوو، لە تونس بە زمانی فەرەنسی و كوردی و لە فێستیڤاڵی عشیاتی ئوردن بە زمانی ئینگلیزی نمایشكرا.

فێستیڤاڵی عشیاتی سرووتە شانۆییەكان، 17ـەمین بە چاودێری د. هەیفا نەجاڕ، وەزیری رۆشنبیری ئوردن رۆژی 28ـی ئایار دەستی بە كارەكانی كرد و رۆژی 1ـی حوزەیران بە خەڵاتكردنی براوەكان كۆتایی پێهات.

هەواڵی پەیوەندیدار

داهاتی بەشی دووەمی “Dune” لە سینەماکانی جیهاندا

ART

نانسی عەجرەم ئاهەنگێک لە ئیستەنبوڵ سازدەکات

ART

به‌ربژێری نوێ بۆ سه‌رۆكایه‌تی ئه‌مه‌ریكا، کامالا ھاریس، ته‌نها لە کەمپینێکدا ٨١ ملیۆن دۆلاری کۆ کردەوە

سەڵاح