بەڕێوەبەرایەتیی گشتیی رۆشنبیری و هونەری گەرمیان، بە چاودێری سەرپەرشتیاری ئیدارەی گەرمیان فێستیڤاڵێكی هونەریی تایبەت بە منداڵانی سازكرد و پێشانگەیەكی تایبەتی بۆ ژنانی شێوەكار كردەوە.
بەشی رۆشنبیری و هونەری منداڵانی گەرمیان، هۆبەی كەلار، رۆژی (8ی تەمموزی 2024) فێستیڤاڵی منداڵانی رێكخست و پێشانگەیەكی شێوەكاری بۆ “هانا ئازاد”ی 12 ساڵ، كە منداڵێكی دەستڕەنگینی گەرمیانە كردەوە و گروپێكی هونەری منداڵان چەند بەرهەمێكیان پێشكەشكرد و هەروەها نمایشێكی شانۆیش پێشكەشكرا.
لەو چوارچێوەیەدا، لە وتەیەکدا عادل حسێن قادر، بەڕێوەبەری بەڕێوەبەرایەتی گشتیی رۆشنبیری و هونەری گەرمیان جەختیکردەوە، گرنگیدان بە منداڵان لە ستراتیجی کاری وەزارەتی رۆشنبیری و لاوانە و هەر لەسۆنگەیەشەوە بەڕێوەبەرایەتی و بەشی تایبەت بە منداڵانی لەپەیکەری رێکخستنی بەڕێوەبەرایەتییە گشتییەکانیدا جێگیر کردووە. لەکۆتایی فستیڤاڵەکەدا سەرجەم مناڵانی بەشدار بوو خەڵاتکران.
هەروەها رۆژی (10ـی تەمموزی 2024) وەزارەتی رۆشنبیری و لاوان بە سەرپەرشتی جەلال شێخ نوری، سەرپەرشتیاری ئیدارەی گەرمیان بەڕێوەبەرایەتی گشتیی رۆشنبیری و هونەری گەرمیان یەکەمین پێشانگای شێوەکاری خانمانی گەرمیانی کردەوە .
پێشانگاکە بەشی شێوەکاری بەهاوکاری بەشی ئەدەب و وێژە لەهۆڵی شێوەکاری بەڕێوەبەرایەتی گشتیی رۆشنبیری و هونەری گەرمیان کرایەوە، تێیدا (25) خانمی شێوەکار بە نمایشکردنی (40) تابلۆ بەشداربوون، لەکۆتاییدا خانمانی شێوەکار خەڵاتی رێزلێنانیان پێبەخشرا.
هەواڵی پێشوو