ئاژانسی هەواڵی زاگرۆس

تەرزە‌بارین زیانی بە کشتوکاڵی شنۆ گەیاند

بارینی تەرزە لە گوندەکانی دەوروبەری شاری شنۆی ڕۆژهەڵاتی کوردستان زیانێکی زۆری بە جووتیاران و خاوەن باخەکان گەیاندووە.
باخدارانی ئەم دەڤەر دەڵێن چەندین جۆر لەو میوانەی لە وەرزی هاویندا پێدەگەن، بە هۆی ئەم تەرزەیەوە لەنێوچوون و حکومەتیش ئەم زیانەیان بۆ قەرەبوو ناکەنەوە.
ئێوارەی ڕۆژی شەممە، تەرزەیەکی لە ناکاو ناوچەی شنۆ لە باشووری پارێزگای ورمێی گرتەوە. تەرزەبارینەکە تەنیا چەند خولەکێکی خایاندوە بەڵام بەرهەمی ڕەنج و ماندووبوونی ساڵێکی باخدارانی لەگەڵ خۆیدا بردووە.
جووتیاران و خاوەن باخەکانی چەندین گوندی ئەم دەڤەر دەڵێن بەشێکی زۆر لە بەرهەمی میوەی ئەمساڵیان بە هۆی ئەم تەرزەیەوە لەنێوچووە.
خاوەن باخەکان دەڵێن سەرەڕای ئەو زیانە زۆرەی بە بەرهەمەکانیان گەیشتووە، دامودەزگا پەیوەندیدارەکانی حکوومەت و بە تایبەت وەزارەتی کشتوکاڵ ئامادە نین زیانەکانیان بۆ قەرەبوو بکەنەوە.

هەواڵی پەیوەندیدار

بەرپرسێكی سەربازیی یەكێتی: هێرشەكەی توركیا لە سنووری دهۆك بەهۆی بوونی چەكدارانی پەكەكەیە

سەڵاح

پرسەنامەیەک لە سەرۆکی حکومەتی هەرێمی کوردستانەوە

یاسین

ئێران و عێراق ٢٣ یادداشتی هاوکارییان ئاماده کردووە

سەڵاح