ئاژانسی هەواڵی زاگرۆس

ڕووسیا: ھێرشێکی ئۆکرانیای بۆ سەر خاکەکەی پوچەڵکردووەتەوە، دەیان فڕۆکەیان خستۆتە خوارەوە

 

وەزارەتی بەرگریی ڕووسیا لە ڕاگەیاندراوێکدا ئاماژەی بەوەداوە کە ھەوڵێکی ئۆکراینایان بۆ ھێرشکردنە سەر خاکی ڕووسیا، پوچەڵکردووەتەوە، هەروەها خستنەخوارەوەی 114 فڕۆکەی بێفڕۆکەوانی ڕاگەیاند.

وەزارەتی بەرگری روسیا باسی لەوەش کرد، سیستەمی بەرگریی ھێزەکانیان، 70 فڕۆکەی بێفڕۆکەوانی ئۆکراینای لەسەر ئاسمانی کریمیا و دەریای ڕەش، 43 فڕۆکەی بێفڕۆکەوانی ئۆکراینای لەسەر ئاسمانی هەرێمی کراسنۆدار و فڕۆکەیەكی بێفڕۆکەوانی دیكەی ئۆکراینای لەسەر ئاسمانی شاری ڤۆڵۆگراد، خستووەتەخوارەوە.

ئەوەشی خستەڕوو، ھێزەکانیان ھەروەھا، شەش بەلەمی بێ سەرنشینی ئۆکراینایان لە بەشی باکووری ڕۆژئاوای دەریای ڕەش تێکشکاندووە.

ھەر لەوبارەیەوە فەرمانڕاوەی هەرێمی کراسنۆدار باشووری ڕووسیا، ڤینیامین کۆندراتیڤ لە ڕاگەیاندراوێکدا ئاماژەی بەوەداوە کە لە ئەنجامی کەوتنەخوارەوەی فڕۆکەیەکی بێفڕۆکەوان لە ناوچەکەدا، کەسێک گیانی لەدەستداوە، ھەروەھا وێستگەیەکی پاس و دامەزراوەیەکی گەرمکەرەوەش زیانیان بەرکەوتووە.

هەواڵی پەیوەندیدار

ئاگادارییەک سەبارەت بە دابەشکردنی مووچە

یاسین

سه‌رۆك نێچيرڤان بارزانى له‌گه‌ڵ باڵيۆزى يه‌كێتيى ئه‌ورووپا كۆبووه‌وه‌

یاسین

وەزارەتی تەندروستی ئامادەکاری بۆ کۆنتڕۆڵکردنی نەخۆشیەکانی سکچوون و کۆلێرا دەکات

سەڵاح