عێراق و ئێران دەیانەوێت قەبارەی ئاڵوگۆڕی بازرگانیی نێوانیان بگەیەننە 20 ملیار دۆلار و ئەمەش پێچەوانەی خواستی ئەمریکایە.
ئەمریکا دەیەوێت کۆتایی بە پەیوەندیی بازرگانیی نیوان ئەم دوو وڵاتە بهێنێت و لەم پێناوەشدا سزای بەسەر 37 بانک و دەیان کۆمپانیا و کەسایەتیی عێراقیدا سەپاندووە.
نەسیر عەبدول محسین، باڵیۆزی عێراق لە ئێران دەڵێت؛ قەبارەی ئاڵوگۆڕی بازرگانیی نیوان ئەم دوو ولاتە له 10 ملیار دۆلار تێپەڕیوە و ئامانجیانە بیگەیەننە 20 ملیار دۆلاری ئەمریکا.
باڵیۆزی عێراق جەخت دەکاتەوە؛ ئێران و عێراق لە بواری ئایینی و کلتورییدا هاوشێوەن ئەمە بۆ بەهێزکردنی پەیوەندییە بازرگانییەکان پاڵپشت دەبێت.
نەسیر عەبدول محسین دەڵێت؛ بەرهەمە کشتوکاڵییەکان و کاڵا پیشەییەکان لە زۆرترین ئەو بەرهەمانەن عێراق لە ئێرانیان دەکڕێت.