ئەو پەنابەرە سووریانەی لە لوبنانەوە گەڕاونەتەوە لەلایەن حکوومەتەوە دەستبەسەر دەکرێن.
تۆڕی سووریا بۆ مافی مرۆڤ ئەمڕۆ چوارشەممە لە بەیاننامەیەکدا بڵاوی‌کردەوە، ٩ پەنابەری سووریای گەڕاوە لە لوبنانەوە، بە دەست حکوومەتی سووریا دەستگیرکراون.
بەپێی ئەم ڕاپۆرتە، زۆربەی ئەو کەسانەی دەستگیرکراون خەڵکی گوندەوار دیمەشیقن و لەسەر خزمەتی سەربازی زۆرەملێ دەستگیرکراون.
تۆڕی سووریا بۆ مافەکانی مرۆڤ ڕایگەیاند، هەر ٩ پەنابەرەکە لە دەروازە سنوورییە فەرمی و نافەرمییەکان لەگەڵ لوبنان دەستگیرکراون.
دەزگای مافی مرۆڤی سوریا ڕایگەیاند، 35 پەنابەری گەڕاوەی دیکەش کە دانیشتووی ناوچەی ئیدارەی خۆسەرن، لەلایەن هێزەکانی حکومەتەوە دەستگیرکراون.
هەواڵی پێشوو