دەمێک پێش ئێستا کەناڵی 12ی تەلەڤزیۆنی ئیسرائیل لە زاری سەرچاوەیەکی ئاگاداری ئیسرائیلەوە گواستیەوە: سەبارەت بە دەنگۆی هەڵاتنی بەشار ئەسەد بۆ دەرەوەی سووریا، تا ئێستا هیچ زانیارییەکی یەکلاکەرەوە نیە.
رۆژنامەی ئەکسیۆسیش رایگەیاند: بەشار ئەسەد بەرەبەیانی ئەمڕۆ، دیمەشقی بەجێ هێشتووە و چووەتە لازقییە بۆ ناو بنکەی سەربازیی رووسیا، واتە تا ئێستا لە سووریایە.
بەیانیی زووی ئەمڕۆ، ڕژێمی بەشار ئەسەد ڕووخا و سوپای سووریا كەوت.
دوای ئەوە، ئاژانسی (ڕۆیتەرز)ی جیهانی بڵاوی كردەوە، دوای كەوتنی سوپای سووریا و گەیشتنی چەكدارانی ئۆپۆزسیۆن بە ناوەندی (دیمەشق)ی پایتەختی سووریا، بەرەبەیانی ئەمڕۆ یەكشەممە 8/12/2024، بەشار ئەسەد بە فڕۆكە سووریای جێ هێشت، تا ئێستاش دیار نییە چووەتە چ وڵاتێك.