رۆژنامەی ئیسرائیلیی ”هیومی ئیسرائیل” ئاشکرایکردووە؛ بۆ دابەشکردنی سووریا بۆ چەند کانتۆنێک گفتوگۆ لەنێوان ئەنجومەنی وەزیرانی ئیسرائیل هەیە.
بەگوێرەی ئەم رۆژنامە ئیسرائیلییە، چەند رۆژێکە ئەنجومەنی وەزیرانی ئیسرائیل بەسەرپەرشتی یسرائیل کاتز وەزیری بەرگریی سەبارەت بەداهاتووی سووریا کۆدەبێتەوە و لەدواین کۆبوونەوەشیاندا پێشنیاری دابەشکردنی سووریا بۆ چەند کانتۆنێک خراوەتەسەرباس و گفتوگۆی لەبارەوە کراوە.
بەگوێرەی سەرچاوەکان، ئیسرائیل ترسی لە دەسەڵاتی نوێی سووریا بەسەرۆکایەتی‌ی ئەحمەد شەرع هەیە و دەترسێت لە داهاتوودا ببێتە سەرچاوەی هەڕەشە بۆسەر ئیسرائیل، هەربۆیە ڕەتیانکردووتەوە بەم زوانە لە خاکی سووریا بکشێنەوە.
