نرخى نەوت لە بازاڕەکانى جیهان بۆ ئەمڕۆ لە بازاڕەکانى جیهان گۆڕانکارییان بەسەرداهاتوە و نەوتى خاوى برێنت و تەکساسى ئەمەریکیش دابەزینى بەرچاویان تۆمار کردوە.
ئەمڕۆ پێنجشەممە، لە بازاڕەکانى جیهان، نرخى بەرمیلێک نەوتى خاوى برێنت گەیشتە 83 دۆلار و 98 سەنت و بەراورد بە رۆژى رابردو بۆ هەر بەرمیلێک نرخەکەى دۆلارێک و 65 سەنت دابەزیوە.
هەروەها نەوتی تەکساسى ئەمەریکیش نرخەکەی گەیشتە 79 دۆلار و 51 سەنت و بەراورد بە رۆژى رابردو دۆلارێک و 67 سەنت دابەزیوە.
رێکخراوی ئۆپیک پڵەس رایگەیاند، بەردەوامدەبن لەسەر کەمکردنەوەی ئاستی بەرهەمهێنان و هەناردەکردنی نەوت بۆ بازاڕەکانی جیهان و لە ئێستاشدا خواستی بازاڕەکان بۆ نەوت بە پارێزراوی ماوەتەوە.