ئاژانسی هەواڵی زاگرۆس

زیاتر لە 3000 بیمەی تەندروستی بۆ منداڵانی بێسەرپەرشت دابینکرا

 

ئەمڕۆ شەممە 1\6\2024، ئومێد خۆشناو پارێزگاری هەولێر و دکتۆر دلۆڤان محەممەد فاتح جەلال بەڕێوەبەری گشتیی تەندروستی هەولێر و دکتۆر دلێر شینە بەڕێوەبەر و خاوەنی نەخۆشخانەی میهرەبانی لەهەولێر، لە ڕۆژی جیهانی منداڵاندا، لە مەراسیمێکدا بیمەی تەندروستی بۆ زیاتر لە 3000 منداڵی بێ سەرپەرشت دابینکرا.

لەمیانی بەڕێوەچوونی مەراسیمەکەدا، جەخت لە گرنگی خزمەتکردنی منداڵانی بێسەرپەرشت کرایەوە و ئاماژە بەڕۆڵی کاریگەری ئومێد خۆشناو پارێزگاری هەولێر لەسەرخستنی پرۆسەی دابینکردنی بیمەی تەندڕوستی بۆ منداڵانی بێ سەرپەرشت و کەرتی تەندروستی لەهەولێر بەگشتیی کرا.

لەگوتارێکدا ئومێد خۆشناو پارێزگاری هەولێر، وێڕای پیرۆزباییکردن لەڕۆژی جیهانی منداڵان و پیرۆزباییکردن لە منداڵانی بێسەرپەرشت، هەوڵەکەی نەخۆشخانەی میهرەبانی بەرز نرخاند لەدابینکردنی بیمەی تەندروستی بۆ 3000 منداڵی بێ سەرپەرشت و ئەو کارەی بە پیرۆز لەقەڵەمدا.
پارێزگاری هەولێر ڕاشیگەیاند، شاری هەولێر لەباوەشێکی میهرەبانی پێکهاتووە و هەروەک دەبیندرێت بە هەزاران ئاوارە و پەنابەر لەهەولێر حەوێندراونەتەوە.

دووبارە پشتگیری خۆی بۆ هەوڵەکانی نەخۆشخانەی میهرەبانی هەموو هەوڵێکی خێرخوازی بۆ خزمەتی خەڵکی شاری هەولێر دووپاتکردەوە.

هەواڵی پەیوەندیدار

باڵیوزی ئەمریکا لە عێراق: بۆ پاراستنی ناوچەکە لەگەڵ عێراقدا دەمێنینەوە

سەڵاح

لە رووداوێکی ئاگر کەوتنەوەدا ئافرەتێک دەبێتە قوربانی

یاسین

سەرۆک بارزانی پێشوازی لە لیژنەی شەهیدان و قوربانییان و زیندانییانی سیاسی ئەنجوومەنی نوێنەرانی عێراق دەکات

یاسین