یەكێتی زانایانی ئاینی ئیسلامیی كوردستان بڵاویكردەوە: ڕێژەی زەكات و سەرفیترەو فیدیەی ساڵی 1445هـ = 2024م دیاری كراوەو ڕێژەی سەرفیترە بۆ هەر كەسێك لە ئەمساڵدا بەلایەنی كەم ( 2500 ) دوو هەزارو پێنج سەد دینار دەبێت.
ئەوەشی خستەڕوو: ئەندازەی فیدیەی بەڕۆژوو نەبوون بۆ هەر ڕۆژێك (2500 ) دوو هەزار و پێنج سەد دینار دەبێت.
ئاماژەی بەوەشكرد: ئەندازەی ئەو پارەیەی زەكات تیایدا واجب دەبێت (نیصابی زەكات) بریتییە لە (2,100,000) دوو ملیۆن و سەد هەزار دیناری عیراقی، واتە: هەر كەسێك (2,100,000 دوو ملیۆن و سەد هەزار دیناری عیراقی)هەبێت و ساڵی بەسەردا سوڕابێتەوە، واجبە بە ڕێژەی (%2.5) سەدا دوو و نیو واتە بۆ هەر ملیۆنێك بیست و پێنج هەزار دیناری عێڕاقی بەزەكات بدات بە هەژارو كەم دەرامەتان.