ئاژانسی هەواڵی زاگرۆس

ڕاگەیەندراوێک لە فراکسیۆنی پارتی دیموکراتی کوردستان لە پەرلەمانی عێراق

لە ڕاگەیەندراوێکدا فراکسیۆنی پارتی دیموکراتی کوردستان لە پەرلەمانی عێراق، داوا دەکات هەڵبژاردنێکی پاک و شەفاف ئەنجام بدرێت و سەرجەم پێکهاتەکان تێیدا بەشداربن.

فراکسیۆنی پارتی لە پەرلەمانی عێراق، داواش دەکات تیمی یونامی و کۆمەڵگەی نێودەوڵەتی و چاودێرانی نێودەوڵەتی چاکتر و فراوانتر چاودێری پرۆسەکە بکەن و ڕوونیکردووەتەوە: پارتی جەخت لەوە دەکاتەوە زەمینەسازی بکرێت بۆ ئەنجامدانی هەڵبژاردنێکی شەفاف و سەرجەم لایەنە سیاسییەکان و پێکهاتەکانی کوردستان بەشداری تێدا بکەن و دووربێت لە سەپاندنی ئیرادە و ئەنجام و دابەشکاری پێشوەخت.

لە ڕاگەیەندراوەکەی فراکسیۆنی پارتی لە پەرلەمانی عێراقدا هاتووە: بەسەرسوڕمانێکی زۆرەوە بەیاننامەیەک لەلایەن چەند فراکسیۆنێک لە پەرلەمانی عێراقەوە دەرچووە، لەبارەی هەڵبژاردنی پەرلەمانی کوردستان، ئێمە لە پارتی دیموکراتی کوردستان جەخت لەسەر چەند خاڵێک دەکاتەوە.

لە ڕاگەیەندراوەکەدا ئاماژە بەوەش کراوە: “پارتی دیموکراتی کوردستان یەکەم هێزی سیاسیی کوردستان بوو لە ڕێگەی جەنابی سەرۆک بارزانی و لەبەهاری ساڵی 1991 لە گردبوونەوەیەکی جەماوەری باسی لەوەکرد کە دەبێت شەرعییەتی شۆڕشگێری بگوازینەوە بۆ شەرعییەتی دەستووری و دیموکراسی لە ڕێگەی هەڵبژاردنەوە”.

لە خاڵێکی دیکەی ڕاگەیەندراوەکە باسی ئەوە دەکات” لە ساڵی 1992 تا دواوین هەڵبژاردن، پارتی دیموکراتی کوردستان براوەی یەکەم بووە و هیچ کات ترسی هەڵبژاردنی نەبووە، چونکە پشت ئەستوورە بە ئەندام و لایەنگران و دۆستانی پارتیمان و نیشتمانپەروەرانی کوردستان”.

فراکسیۆنی پارتی جەختی کردووەتەوە: “پارتی ماوەی دوو ساڵە داوا دەکات هەڵبژاردن بکرێت بەڵام هەندێک لایەن و بە تایبەت ئەوانەی ئێستا بەیاننامە دەنووسن خۆیان باش دەزانن کام لایەن بوو ڕێگربوو لە ئەنجامدانی هەڵبژاردن و ئەوەش دەزانن کە کام لایەنی سیاسی بوو دەیگوت، ئەگەر هەڵبژاردنیش بکرێت ناهێڵین سندووقەکانی دەنگدان لە دێگەڵە بەولاوە دابنرێت و ناهێڵین لە سنووری سلێمانی هەڵبژاردن بکرێت”.

هەروەها دەڵێت: “پارتی دیموکراتی کوردستان هەمیشە لەگەڵ هەڵبژاردن بووە و لەگەڵیشی دەبێت بەمەرجێک ئیرادەی خەڵکی کوردستان پارێزراو بێت و دوور بێت لە داڕشتنی پێش وەختەو ئەو تێبینی و سەرنجانەی پارتی تێبینی نەتەوەیەکن و پارتی لەگەڵ هەڵبژاردنێکی شەفاف و دوور لەدەستوەردانە”

هاوکات فراکسیۆنی پارتی لە پەرلەمانی عێراق ڕایگەیاندووە: پارتی دیموکراتی کوردستان لەگەڵ ئەوەیە هەڵبژاردنێک بکرێت مافی سەرجەم پێکهاتەکان پارێزراو بێت و ناکرێت پێکهاتەکان لە تورکمان و کلد و ئاشووری لە پەرلەمانی عێراق نوێنەریان هەبێت و لە پەرلەمانی کوردستان بێبەش بکرێن .

هەواڵی پەیوەندیدار

سبەی چوارشەممە دەست بەدابەشکردنی مووچەی مانگی نیسان دەکرێت.

گوران

پەیامی پارێزگاری هەولێر، بەبۆنەی جەژنی نەورۆز و سەری ساڵی نوێی كوردی

دڵشاد

سه‌رۆكايه‌تى هه‌رێم و حكوومه‌تى له‌گه‌ڵ کۆمسیۆنی باڵای سەربەخۆی هەڵبژاردنەکانى عێراق كۆبوونه‌وه‌

سەڵاح