ئه‌مڕۆ دووشه‌ممه، بەڕێوەبەرایەتی ئاسایشی هەولێر رایگه‌یاند، دوای ئەنجامدانی بەدواداچوون لەلایەن تیمەکانمان ، بازرگانێکی بیانی ماددە هۆشبەرەکان بەناوی (م، أ ، د) کەخەڵکی وڵاتی هندستانە بەفەرمانی بەڕێز دادوەری لێکۆڵینەوەی ئاسایشی هەولێر لەلایەن هێزەکانمانەوە دەستگیر کرا.
ئاسایشی هەولێر وتیشی، لەکاتی دەستگیرکردنیدا بڕێک ماددەی هۆشبەر لەجۆری کریستاڵ و کەلوپەلی پێوانەکردن و بەکارهێنانی ماددەی هۆشبەری لابوو.
باسی له‌وه‌ش كرد، تۆمەتبار(م، أ ، د) کاری دابەشکردنی ماددەی هۆشبەر بووە بەسەر چەند هاوڵاتیەکی بیانی کە بە مەبەستی کارکردن هاتونەتە هەرێمی کوردستان و لەشاری هەولێر نیشتەجێ بوونە.