جارێكی تر له سنووری پارێزگای كه‌ركووك ئاگر له ده‌غڵودانی جووتیاران كه‌وته‌وه و هۆكاری كه‌وتنه‌وه‌ی ئاگره‌كه ئاشكرا كرا.
ئه‌مڕۆ دووشه‌ممه 20ی 5ی 2024، میدیاكانی عێراق بڵاویان كرده‌وه كه له سنووری ناحیه‌ی یایچی سه‌ر به كه‌ركووك ئاگر له 30 دۆنم چێندراو به گه‌نمی جووتیاران كه‌وته‌وه و ته‌واوی به‌رهه‌می جووتیاران سووتا.
ئاشكرا كراوه به‌هۆی ئه‌وه‌ی هێزێكی سوپای عێراق سه‌رقاڵی مه‌شقوڕاهێنان بوونه و له‌وكاته‌دا ته‌قه‌یان كردووه و به ته‌قه‌ی ئه‌وان ئاگركه‌وته‌وه و بووه‌ته هۆی سووتانی ده‌غڵودانی جووتیاران.
ئه‌مه له كاتێكدایه كه دوێنێ به‌هۆكاری نادیار له ناوچه‌ی مه‌لا عه‌بدوڵڵا له سنووری پارێزگای كه‌ركووك ئاگر له ده‌غڵودانی جووتیاران كه‌وته‌وه و زیانی دارایی به‌دوادا هات.