ئاژانسی هەواڵی زاگرۆس

به‌لجیكا… رێوڕه‌سمی تایبه‌ت به‌ نۆژه‌نكردنه‌وه‌ی شوێنه‌واری پارێزگای هه‌ولێر و دهۆك به‌ڕێوه‌چوو

ل دووڤ ڤەخواندنەکا فەرمی یا رێکخراوا یونسکو و ئێکەتیا ئەورپی ل رۆژا چارشەمبی ٢٢/ئەیارا  /٢٠٢٤ ێ  ل بروکسل ل وەلاتێ بەلجیکا  “د.عەلی تەتەر” پارێزگارێ دھۆکێ  وەکو سەروکێ شاندێ حکومەتا ھەرێما کوردستانێ  وب ئامادەبونا “دلاوەر ئاژگەیی” بەرپرسێ نونەراتیا حکومەتا ھەرێما کوردستانێ ل ئێکەتیا ئەورپی و “ئەحمەد تەحسین بەرواری ” بالیوزێ عیراقا فیدرال وبالیوزێن وەلاتێن چەندین وەلاتان وبەرپرسێ پروگرامێن ئێکەتیا ئەورپا ل رۆژھەلاتا ناڤەراست  پشکداربوون درێ ورسمێن بەرنامێ (مەدەد) یێ تایبەت ژبۆ ھاریکاریکرن و پەیداکرنا دەلیڤێن کاری بو ئاوارە وپەنابەرێن سوری وھاولاتیێن وان وەڵاتا ئەوێن ئەو پەناھندێن سوری  مێھڤان کرین.

پارێزگارێ دھۆکێ بناڤێ خو و خەلکێ کوردستانێ  سوپاسیا رێکخراوا یونسکو یا نەتەوێن ئێکگرتی  وئێکەتیا ئەورپی کر ل دور ئەو کار وخزمەتا دبوارێ نوژەنکرنا شونوارادا وپەرەپێدانا بوارێ خاندن وپەروەردێ ونەھێلانا نەخویندەواریێ پێشکێشدکەن وخواست کو ئەڤ پرۆگرام وپشتەڤانیە ژلایێ ئێکەتیا ئەورپی و رێکخراوا یونسکو یا بەردەوامبیت.

سەبارەت شونوارێن شکەفتا شانەدەر وڤەدیتنا ھەستیکێن مرۆڤێن نیاندەرتال پارێزگارێ دھۆکێ گوت:  بەرپرسێن وەلاتێ بەلجیکا داخازکریە سەرا شکەفتا شاندەر بکەن و ئەوێ ڤەدیتنێ پتر سەرنجا گەشتیار وحەژێکەرێن شونوارا راکێشیا ودێ بیتە ھوکارەک کو ھەرێما کوردستانێ ل سەر نەخشێ جیھانێ پتر ب خەلکی بھێتە ناساندن و گەشتیار پتر قەستا ھەرێمێ  وپارێزگەھا دھۆکێ بکەن.

ل دوماھیێ پارێزگارێ دھۆکێ لوگویێ پارێزگەھێ وەکو خەلاتەکێ رێزگرتنێ پێشکێشی بەرپرسێن ئێکەتیا ئەورپی ورێکخراوا یونسکو کرن ھەمبەر خزمەتا وان ل ھەرێما کوردستانێ.

ھەژی گوتنێ یە رێکخروا یونسکو ب پشتەڤانیا ئێکەتیا ئەورپی کارێن نوژەنکرنێ ل سەر (شکەفتا چار ستوین ل دھۆکێ و بەنداڤا جەروانە ل شێخان وکەلھێن ئاکرێ و ھەولێرێ  ) ئەنجامداینە وب رێکا ڤی بەرنامەی دەلیڤێن کاری بۆ پتر ژ(٦٦) ھزار پەنابەرێن سوری وخوجھێن پارێزگەھێن دھۆک وھەولێرھاتینە پەیداکرن.

هەواڵی پەیوەندیدار

لێکۆڵینەوە لەبارەی هۆكاری ئاگرەكەی بازاڕی لەنگە دەکرێت

یاسین

تۆمەتبارێک دەستگیرا کرا

دڵشاد

ئەنجومەنی وەزیران جەخت لە بەردەوامبوون لە چاکسازیکردن و ڕێکخستنەوەی کەرتی باج دەکات بە ڕەچاوکردنی بنەماکانی دادپەروەریی لە پێدانی باجدا

یاسین