ئاژانسی هەواڵی زاگرۆس

خانمه‌ پزیشكێكی عێراقی به‌ تۆمه‌تی به‌ده‌ستهێنانی 46 ملیار دینار به‌ شێوه‌ی نایاسایی ده‌ستگیر كرا

 

میدیاكانی عێراق بڵاویان كرده‌وه‌ كه‌ خانمه‌ پزیشكێكی عێراقی به‌ تۆمه‌تی ساخته‌كردنی به‌ڵگه‌نامه‌ی یاسایی و به‌ده‌ستهێنانی 46 ملیار دینار به‌شێوه‌ی نایاسایی، به‌پێی ماده‌ی 295 له‌ یاسای سزادانی عێراقی ده‌ستگیر كرا.

ئاشكرا كراوه‌ كه‌ دكتۆر مه‌نال سائیب ساعدی، به‌ تۆمه‌تی ساخته‌كردنی به‌ڵگه‌نامه‌، یاداشتی ده‌ستگیركردنی بۆ ده‌ركرا و هێزێكی ئه‌منی ئه‌و پزیشكه‌یان ده‌ستگیر كرد به‌ تۆمه‌تی ساخته‌كردنی به‌ڵگه‌نامه و چه‌كی پاره‌.

ئه‌وه‌ش ئاشكرا كراوه‌، كه‌ ئه‌و پزیشكه‌ تۆمه‌تباره‌ له‌ 30 دۆسییه‌ی په‌یوه‌ندیدار به‌ ساخته‌كاری و هه‌روه‌ها چه‌ند كه‌سێكی فریو داوه‌ و له‌ ڕێگه‌ی ساخته‌وه‌ 46 ملیار دیناری به‌ شێوه‌ی نایاسایی به‌ده‌ست هێناوه‌ و لێكۆڵینه‌وه‌ له‌ رووداوه‌كه‌ ده‌ستی پێ كردووه‌.

ئه‌وه‌ش خراوه‌ته‌ ڕوو، كه‌ كار كراوه‌ بۆ ئه‌وه‌ی هه‌موو ئه‌و كه‌سانه‌ی ده‌ستیان له‌و كاره‌ نا یاسایانه‌دا هه‌یه‌ ده‌ستگیر بكرێن و لێكۆڵینه‌وه‌یان له‌گه‌ڵدا بكرێت.

دكتۆر مه‌نال سائیب ساعدی، پزیشكی پسپۆڕی ئافره‌تان و منداڵانه‌ له‌ به‌غدا.

هەواڵی پەیوەندیدار

سەرۆکی حکومەتی هەرێمی کوردستان، پێشوازی لە باڵیۆزی بەریتانیا لە عێراق کرد

یاسین

ئەمەریکا و یەکێتی ئەوروپا سزایان بەسەر دوو قەوارە و دوو گرووپی توندڕەوی ئیسرائیلیدا سەپاند

یاسین

کارەکانی بەرێوەبەرایەتی هاتوچۆی هەولێر راگیران

یاسین