ئاژانسی هەواڵی زاگرۆس

مەسرور بارزانی: ئەمڕۆ لە بەغدام بۆ جەختکردنەوە لەسەر دابینکردنی مافەکانی خەڵکی کوردستان

سەرۆكی حكوومەتی هەرێمی كوردستان لەبارەی سەردانەكەی بۆ بەغدا، ڕایدەگەیەنێت: “دەبێت سەقامگیری و ئابوورییەکی بەهێز کاری لەپێشینەمان بێت.”

كەمێك پێش ئێستا (پێنجشەممە 30/5/2024)، مەسرور بارزانی، سەرۆكی حكوومەتی هەرێمی كوردستان، گەیشتە بەغدا، لەبارەی سەردانەكەشی بۆ بەغدا، لە هەژماری تایبەتیی خۆی، لە تۆڕی كۆمەڵایەتیی (ئێكس)، دەڵێت: “ئەمڕۆ لە بەغدام بۆ جەختکردنەوە لەسەر دابینکردنی مافەکانی خەڵکی کوردستان و چارەسەرکردنی ناکۆکییەکان بە گفتوگۆ و لەسەر بنەمای دەستوور.”

سەرۆكی حكوومەتی هەرێمی كوردستان ئاماژەی بەوەش داوە: “دەبێت سەقامگیری و ئابوورییەکی بەهێز کاری لەپێشینەمان بێت.”

ئەمڕۆ پێنجشەممە، مەسرور بارزانى، سه‌رۆكى حکوومەتی هه‌رێمى كوردستان، بۆ کۆبوونەوە لەگەڵ محەمەد شیاع سوودانی، سەرۆک وەزیرانی فیدراڵ و بەرپرسانی دیکەی حکوومەتی فیدراڵ و سەرکردە و بەرپرسانی لایەنە سیاسییەکانی عێراق، گەیشتە بەغدا.

لە کۆبوونەوەکاندا، جیا لە تاوتوێکردنی دوایین گۆڕانکاری و پێشهاتەکانی دۆخی سیاسی و ئەمنیی عێراق، گفتوگۆ لەبارەی پێویستیی چارەسەرکردنی کێشەکانی نێوان هەرێمی کوردستان و حکوومەتی فیدراڵ لەسەر بنەمای دەستوور، بە تایبەتی دابینکردنی مووچە و ماف و شایستە داراییەکانی خەڵکی کوردستان دەکرێت.

هەر لە كۆبوونەوەكانی سەرۆكی حكوومەتدا، برەودان بە هاریکاری و هاوئاهەنگیی نێوان هەردوولا لەپێناو پاراستنی ئاسایش و سەقامگیریی عێراق و هەرێمی کوردستان گفتوگۆیان لەبارەوە دەكرێت.

هەواڵی پەیوەندیدار

خەمیس خەنجەر: كشانەوەی پارتی لەپرۆسەی سیاسی عێراق دەخاتە مەترسییەوە

سەڵاح

سەرۆک بارزانی شازدەمین پێشانگەی نێودەولەتی کتێب لە هەولێر دەکاتەوە

دڵشاد

جەنگ لە سووریا بووەتە هۆی کوژرانی زیاتر لە ٣٠ هەزار منداڵ

سەڵاح