ئاژانسی هەواڵی زاگرۆس

خامنەیی: ئیسرائیل خەریکە دەتوێتەوە

ئایەتوڵڵا عەلی خامنەیی، ڕێبەری کۆماری ئیسلامیی ئێران، لە ڕێوڕەسمی ساڵڕۆژی کۆچی دواییی ئایەتوڵڵا خومەینی، ڕێبەر و بناغەدانەری کۆماری ئیسلامیی ئێراندا گوتی: هەڵمەتەکەی ٧ی ئۆکتۆبەری ٢٠٢٣ی حەماس بۆ سەر ئیسرائیل پێویستیی ناوچەکە بوو، چونکە ئەمریکا و ئیسرائیل و هاوپەیمانەکانیان نەخشەیەکیان داڕشتبوو بۆ ئەوەی ئیسرائیل بەسەر سیاست و ئابووریی ڕۆژئاوای ئاسیا و هەموو جیهاندا زاڵ بێت.
خامنەیی گوتی: هێرشەکەی تۆفانی ئەقسا کە دەوروبەری پارەکە ڕووی دا، ڕاست ئەوە بوو کە ناوچەکە پێویستی پێی بوو.
ڕێبەری کۆماری ئیسلامیی ئێران گوتی: نەخشەیەکی هەمەلایەنەی بەربڵاو لەلایەن ئەمریکا و زایۆنیستەکان و شوێنکەوتووەکانیان و بەشێک لە وڵاتانی ناوچەکە داڕێژرابوو، کە بەپێی ئەو نەخشە هەمەلایەنەیە بڕیار بوو پێوەندییەکان و هاوکێشەکانی ناوچەکە بگۆڕێن و پێوەندیی ڕژێمی زایۆنیستی لەگەڵ وڵاتانی ناوچەکە، بەگوێرەی ویستی ئەو ڕژێمە ڕێک بخرێت.
خامنە‌یی هەروەها گوتی: ئەمەش واتاکەی زاڵبوونی ڕژێمی زایۆنیستی بەسەر سیاسەت و ئابووریی سەرلەبەری ناوچەی ڕۆژئاوای ئاسیا و بگرە سەرلەبەری جیهانی ئیسلام بوو.
ڕێبەری کۆماری ئیسلامیی ئێران دەڵێت: ئێستا ئەمریکاش لە بەرانبەر ڕای گشتیی کۆمەڵگەکانی جیهان ناچارە کاردانەوەی هەبێت و درەنگ یان زوو ناچار دەبێت دەست لە پشتیوانیی ڕژێمی زایۆنیستی هەڵگرێت. ئەوە ڕژێمی زایۆنیستیش بە بەرچاوی خەڵکی دنیاوە خەریکە بەرە بەرە دەتوێتەوە و کۆتاییی پێ دێت.

هەواڵی پەیوەندیدار

نیکی هیلی له‌ ركابه‌ری تره‌مپ پاشەكشەی کرد

سەڵاح

وەزیری بەرگری ئیسپانیا: شەڕی غەززە کۆمەڵکوژی ڕاستەقینەیە

یاسین

دەیڤید کامیرۆن بەهۆی کرێی ئەو فڕۆکەیەی گەشتی پێکردووە ڕەخنەی لێ دەگیرێت

یاسین