ساڵی ڕابردوو هەزاران منداڵی عێراقی لە تورکیا لە دایک بوون کە هەندێکیان دایک و باوکیان عێراقییە و هەندێکیان دایکیان عێراقییە بەڵام باوکیان عێراقی نین.
سەرژمێری تورکیا دەریخستووە، کە لە ساڵی 2023دا دوو هەزار و 582 منداڵ لە تورکیا لە دایک بوون کە تەنیا دایکیان عێراقی بوونە، هەروەها دوو هەزار و 123 منداڵ لەدایک بوون کە تەنیا باوکیان عێراقی بوون.
بە شیکردنەوەی داتاکان ئەوە ڕوون دەبێتەوە کە ژمارەی منداڵانی لەدایکبوو لە ئافرەتانی عێراقی لە ساڵی 2022 بە ڕێژەی 27% کەمتر بووە.
جێگەی سەرنجە لە ساڵی 2021 لە تورکیا ئافرەتانی عێراقی سێ هەزار و 429 منداڵیان بووە کە مێردەکانیان بیانین، هەروەها ژمارەی ئەو منداڵانەی لە باوکێکی عێراقی لەدایک بوون گەیشتووەتە 109 منداڵ، واتە زیاتر لە سێ هەزار و 300 منداڵ لەدایکێکی عێراقی و باوکێکی بیانی لەدایک بوون.