ئه‌ڤرو روژا چارشه‌مبی رێكه‌فتی ٥ـێ خزیرانا ٢٠٢٤ـێ ل ئاڤاهیێ مه‌كته‌با رێكخستنا پارتی ل پارێزگه‌ها دهوكێ ب ئاماده‌بونا “ماجد سه‌ید سالح” جێگرێ پارێزگارێ دهوكێ و ” عه‌بدولره‌حمان جه‌عفه‌ر” رێڤه‌به‌رێ هه‌رێمی یێ ئێكه‌تیا جیهانی یا پاراستنا ژینگه‌هێ و كه‌ش و هه‌وای ل وه‌لاتێ بریتانیا و “سه‌باح به‌یتوللا” هاریكارێ به‌رپرسێ رێكخستنا پارتی ل پارێزگه‌ها دهوكێ و هژماره‌كا زور ژ رێڤه‌به‌رێن گشتی و به‌رپرسێن داموده‌زگایێن جودا و ماموستایێن زانكویان و شاره‌زا و دوستێن پاراستنا ژینگه‌هێ ژ دهوك زاخو ئاكرێ و ده‌وروبه‌را, ئێكه‌تیا جیهانی یا پاراستنا ژینگه‌هێ و كه‌شوهه‌وای سمپوسیومێ خو یێ چارێ لدور راگرتن و پاقژیا ژینگه‌هێ و به‌رهنگاربونا هوكارێن پیسبونێ و پالپشتیا سازیێن دبوارێ پاراستنا ژینگه‌هێ دا كاردكه‌ن و دارێژتنا میكانزمێن گونجای ئه‌نجامدا.
د رونشتنا سمپوسیومێ دا په‌یڤێن جوداجودا هاتنه خواندن و ژلایێ خوڤه به‌رێز جێگرێ پارێزگارێ دهوكێ ئاماژه ب رولێ حكومه‌تا هه‌رێما كوردستانێ و گرنگیدانا ب ژینگه‌هێ كر و گوت به‌رهنگاریا گوهورینێن كه‌شوهه‌وای و كارتێكرنێن لسه‌ر ژینگه‌هێ ئێك ژ به‌رنامه‌یێن حكومه‌تا هه‌رێما كوردستانێ یه و وه‌كو سازیێن حكومی ئه‌م ب جدی كار لسه‌ردكه‌ین و پالپشتیا هه‌مو ژینگه‌هـ دوستا و پارێزڤانێن ژینگه‌هێ ئێك ژ ئه‌ركێن مه‌یه و ده‌ستخوشی ل رێخه‌رێن رونشتنێ كر و دوڤدا چه‌ند رێڤه‌به‌رێن گشتی به‌حسێ خالێن ئه‌رێنی یێن بهێزبونا ژینگه‌هێ و خالێن نه‌رێنی یێن لاوزیا ژینگه‌هێ و چه‌وانیا چاره‌سه‌ریان كر و كاروبزاڤێن رێڤه‌به‌ریان كر.