ئاژانسی هەواڵی زاگرۆس

یارییە ئاگرینەکانی چوارشەممە‌سووری لە ئێران و رۆژهەڵاتی کوردستان دەستی پێکرد

 

ئێوارەی ئەمڕۆ ١٢ی ئازاری ٢٠٢٤، بەرەو شەوی سێشەممە لە سەر چوارشەممە یارییەکانی چوارشەممە سوورە  لە رۆژهەڵاتی کوردستان و ئێران دەستیان پێکرد.

میدیاکانی ئێران دەڵین سەرلە ئێوارەی رۆژی سێشەممە سەدان کەس بە هۆی یارییە ئاگرینەکانەوە زیانیان پێگەیشتووە و ئاژانسی هەواڵی “تەسنیم”ی سەر بە سوپای پاسدارانیش باس لە کوڕژانی ١٢ کەس به هۆی ئەم یاریانە دەکات.

میدیای دەژبەری حکومەتیش دەڵێن لەتێکهەڵچوون نێوان هێزە ئەمنیەکانی ئێران و هاووڵاتییان دەستیان پێکردووە.

ئاژانسی هەواڵی تەسنیم نووسیویەتی ڕێوڕەسمی چوارشەممە‌سووری جەژنێکی کۆنی ئێرانیانە، بەڵام لەم ساڵانەی دواییدا گۆڕانی بەسەردا هاتووە و لە ڕێڕەوی خۆی لایداوە.

دژبەرانی دەستەڵاتیش دەڵێن بۆنەی چوارشەممە سووری و هەموو بۆنەکانی دیکە کراون بە بیانووی ئەوەی خەڵک بەرەوڕووی حکومەت بووەستنەوە.

ئەم بۆنەیە ئەمساڵ لە کاتێکدا بەڕێوەدەچێت، لەلایەک هەموو کۆڵان و شەقامی شاران لەلایەن هێزی ئەمنییەوە تەنراون و لەلایەکی دیکەوە بەشێکی بەرچاوی خەڵک بەدوای بیانوویەک بۆ دژایەتی‌کردنی حکومەتدا دەگەڕێن.

”چوارشەممە سووری” بۆنەیەکی کۆنی ئێرانیانە و لە سەردەمی بەر لە ئیسلامەوە ماوەتەوە. لەم بۆنەیەدا ئێوارەی سێشەممەی بەرلە جەژنی نەرۆز ئاگر دەکەنەوە بە سەریدا باز دەدەدن و بە ئاگرەکە دەڵێن زەردیی من بۆتۆ سووریی تۆ بۆمن.

هەواڵی پەیوەندیدار

چل و چوار ساڵ به‌سه‌ر جینۆسایدی كوردی فه‌یلیدا تێده‌په‌ڕێت

سەڵاح

کەشى پێشبینیکراوى 48 کاتژمێرى داهاتوو

سەڵاح

ئەو یارییانەی پلەی ستەیشن بۆ سیستەمی کۆمپیوتەر بەردەست دەکرێت

یاسین