ئاژانسی هەواڵی زاگرۆس

سه‌رۆك نێچيرڤان بارزانى پێشوازى له‌ باڵيۆزى به‌ريتانيا كرد

ئێواره‌ى ئه‌مڕۆ يه‌كشه‌ممه‌ 2024/2/25 به‌ڕێز نێچيرڤان بارزانى، سه‌رۆكى هه‌رێمى كوردستان له‌ هه‌ولێر له‌گه‌ڵ به‌ڕێز ستيڤن هيچن، باڵيۆزى به‌ريتانيا له‌ عێراق كۆبووه‌وه‌.

له‌ كۆبوونه‌وه‌كه‌دا ده‌رباره‌ى دۆخى عێراق و هه‌رێمى كوردستان، په‌يوه‌ندييه‌كانى هه‌ولێر ـ به‌غدا، هه‌ڵبژاردنى په‌رله‌مانى كوردستان، دوايين پێشهاته‌كانى ناوچه‌كه‌ و لێكه‌و‌ته‌كانى شه‌ڕ له‌ غه‌ززه، بيروڕايان گۆڕييه‌وه‌.

هه‌ردوولا هاوڕا بوون له‌سه‌ر گرنگيى پاراستنى ئارامى و سه‌قامگيريى عێراق و هه‌رێمى كوردستان، بۆ ئه‌مه‌ش داكۆكييان له‌ پێويستيى تێوه‌نه‌گلان و خۆبه‌دوورگرتنى عێراق له‌ ئاڵۆزييه‌كانى ناوچه‌كه‌ كرده‌وه‌.

بره‌ودان به‌ په‌يوه‌ندييه‌كانى به‌ريتانيا له‌گه‌ڵ عێراق و هه‌رێمى كوردستان، ته‌وه‌رێكى ديكه‌ى كۆبوونه‌وه‌كه‌ بوو.

هەواڵی پەیوەندیدار

له‌ دوێنێوه‌ زۆرترین رێژه‌ی باران بارین له‌م پارێزگایه‌ بووه‌

یاسین

کەشناسی: کەشەکە بۆ تاوە باران و بروسکە دەگۆڕێت

یاسین

سەرۆك بارزانی پێشوازی لە باڵیۆزی ئەمەریكا لە عێراق دەكات

یاسین