ئاژانسی هەواڵی زاگرۆس

سبەی لە پارێزگایەکی کوردستان بووە پشووی فەرمی

پارێزگاری دهۆک رایگەیاند، بەهۆی بارانبارینی بەخووڕ و بە مەبەستی پاراستنی گیانی هاووڵاتییان، سبەی لە پاریزگای دهۆک پشووی فەرمی دەبێت.

ئەمڕۆ سێشەممە (19ـی ئاداری 2024) عەلی تەتەر، پارێزگاری دهۆک رایگەیاند، بۆمەبەستی پاراستنی گیانی هاووڵاتییان و بەهۆی بارینی بارانی بەخووڕ، سبەی لە پارێزگای دهۆک لە زۆرینەی دامودەزگا حکوومییەکان پشووی فەرمی دەبێت.

پارێزگاری دهۆک، ئاماژەی بەوەدا، سبەی تەنیا دەوامی بەڕێوەبەرایەتییەکانی بەرگری شارستانی، پۆلیس، ئاسایش، کۆچ و کۆچبەران، شارەوانی و کارەبا هەیە، بۆ ئەوەی لە ئامادەباشیدابن لە ئەگەر روودانی هەر حاڵەتێکی نەخوازراو.

عەلی تەتەر، داواکارە لە هاووڵاتییان بۆ پاراستنی گیانی خۆیان و کەسوکاریان لە ماڵەکانی خۆیان دەرنەچن، بۆ ئەوەی تیمەکانی فریاگوزاری بتوانن کاری خۆیان بە باشترین شێوە ئەنجامبدەن.

ئەمەش لەکاتێکدایە بەرەبەیانیی ئەمڕۆ سێشەممە، (19ـی ئاداری 2024)، شەپۆلێکی بارانی بەخوڕ پارێزگاکانی هەرێمی کوردستانی گرتەوە و کاریگەریی شەپۆلەکە زیاتر لەسەر پارێزگای دهۆک بوو. بەهۆی بارانەکەوە، لە چەند گەڕەکێکی شارەکە لافاو هەڵسا، ئاو چووە ناو ژمارەیەک خانوو و بەشێک لە رێگاکانیش بەڕووی شۆفێراندا داخران.

هەواڵی پەیوەندیدار

لە هەولێر … کۆنفرانسی توانا سازیی هێزی کار، تایبەت بە ڕەخساندنى هەلى کار ئەنجامدرا

دڵشاد

سه‌رۆك نێچيرڤان بارزانى له‌گه‌ڵ باڵيۆزى يه‌كێتيى ئه‌ورووپا كۆبووه‌وه‌

یاسین

کەشى پێشبینیکراوى 48 کاتژمێرى داهاتوو

سەڵاح