ئاژانسی هەواڵی زاگرۆس

میر حازم تەحسین  بەگ: سەرۆک بارزانی پشتیوانی تەواوی خۆی بۆ ئێزدیان دووپات کردەوە

میر حازم تەحسین  بەگ میری ئێزدیان لە جیهان ڕایگەیاند، کۆبوونەوەیەکی زۆر بەرهەمدارمان لەگەڵ سەرۆک بارزانی مان ئەنجامدا و پشتیوانی تەواوی خۆی بۆ ئێزدیان دووپات کردەوە.

میر حازم تەحسین بەگ، بە ماڵپەری فەرمیی پارتی دیموکراتی کوردستان گوتی:” سەرۆک بارزانی وەک هەمیشە پاڵپشت و پشتیوانی ئێزدیان بووە و پشتیوانی خۆی بۆ ئێزدیان دیارکردەوە.
ئاماژەیشیدا، چەندین داواکاریمان لە سەرۆک کرد و لە داهاتوودا هەموویان جیبەجی دەکرێن.

میر حازم جەختیکردەوە، هەندێک لایەن هەن دەیانەوێ دەستێوەردان بخەنە نێو کاروباری ئێزدیان بۆیە سەرۆک بارزانی رایگەیاند کە ڕیگە نەدەن ئەم هەوڵە نامۆیانە سەربگرن و پێویستە نێوماڵی ئێزدیان یەکگرتوو بێت.

گوتیشی:لەسەر راسپاردەی سەرۆک بارزانی لە داهاتوودا حکوومەتی هەرێم لە ناوچە ئێزدینشینەکان و پەرستگایی لالش، چەندین پرۆژە ئەنجام دەدات.

هەواڵی پەیوەندیدار

سبەی باران بارین دەست پێدەکاتەوە

یاسین

ئێران… لافاو چوار كه‌سی كوشت و ١٢ بێسەروشوێن بوون

سەڵاح

سوپاى ئیسرائیل ئامارى نوێی سەربازە کوژراوەکانى راگەیاند

یاسین