ئاژانسی هەواڵی زاگرۆس

حەمەی حەمەسەعید: كار بۆ ناساندنی پۆشاكی كوردی لە ئاستی نێودەوڵەتیدا دەكەین

حەمەی حەمەسەعید، وەزیری رۆشنبیری و لاوانی حكومەتی هەرێمی كوردستان رایگەیاند، بەرگ و پۆشاك، وەک بەشێک لە کولتووری نەتەوەییمان بەشێکە لە ستراتیژی کارکردنی وەزارەتی رۆشنبیری و لاوان، بۆیە كار بۆ پاراستن، گەشەپێدانی و ناساندنی لەئاستی نێودەوڵەتیدا دەكەین.

ئەم وتانەی وەزیری رۆشنبیری و لاوان لە میانەی ئەو وتارەدا هاتن، كە ئێوارەی رۆژی چوارشەممە، لە دەستپێكی كارەكانی دووەم فێستیڤاڵی شاڵ و شەپك لە كۆرنیشی ئیدارەی سەربەخۆی زاخۆ بەڕێوەچوو.
بە مەبەستی ئامادەبوون لە فێستیڤاڵەكە، شاندێكی باڵای وەزارەتی رۆشنبیری و لاوان، بە سەرۆكایەتی حەمەی حەمەسەعید، وەزیری رۆشنبیری و لاوان و هەریەك لە ئاریان سەلاحەدین، بریكاری وەزارەت، نامق هەورامی بەڕێوەبەری راگەیاندن و پەیوەندییەكان و ژمارەیەك لە بەڕێوەبەر و راوێژكارانی وەزارەت سەردانی ئیدارەی سەربەخۆی زاخۆی كرد .

لە بەرایی سەردانەكەدا، شاندی باڵای وەزارەت سەردانی بەڕێوەبەرایەتی رۆشنبیری زاخۆ و بەڕێوەبەرایەتی كتێبخانە گشتییەكانی كرد و لە نزیكەوە یەكە كارگێڕییەكانی سەر بە وەزارەتی رۆشنبیری بەسەر كردەوە.

هەر لەو چوارچێوەیەدا، شاندەكە بەشداریان لە دووەم فێستیڤاڵی شاڵ و شەپك كرد، كە تایبەتە بە نمایشكردن و ناساندنی بەرگ و پۆشاكی كوردی لە سەرجەم ناوچە جیاجیاكانی كوردستان.

حەمەی حەمەسەعید، وەزیری رۆشنبیری و لاوان لە وتاری دەستپێكی فێستیڤاڵەكە گوتی: “پیرۆزبایی ئەم بۆنە گرنگە لە ئیدارەی سەربەخۆی زاخۆ دەکەین و بەهەنگاوێکی گرنگی دەزانین بۆ ئاشناکردنی نەوەی نوێ بەجۆرو شێوازەکانی بەرگو پۆشاكی کوردی و هاندانیان تا ئەم پۆشاكە جوان و ڕازاوەیە بپۆشن”.

گوتیشی: “بەرگ و پۆشاك، وەک بەشێک لەکولتووری نەتەوەییمان بەشێکە لە ستراتیژی کارکردنی وەزارەتی رۆشنبیری بۆ پاراستن و گەشەپێدانی و ناساندنی لەئاستی نێودەوڵەتیدا”.

لە بەشێكی دیكەی وتارەكەیدا، سەرنجی بۆ ئەوە راكێشا، كە “دەوڵەمەندی و جیاوازی بەرگ و شاڵ و شەپکی کوردی بەپێی ناوچە جیاوازەکان، لەهەورامانەوە بۆ زاخۆ، نیشانەی دەوڵەمەندی کولتووری گەلی کوردە و دەبێت ئەم دەوڵەمەندییە بپارێزین و گەشەی پێ بدەین”.

لە كۆتایی وتارەكەیدا، پشتیوانی وەزارەتی بۆ فێستیڤاڵەكە دووپاتكردەوە و گوتی: “خوازیارین ئەم فێستیڤاڵە ببێتە نەریتێکی ساڵانە لەسەر ئاستی هەموو پارچەکانی کوردستان و کوردانی کۆمارەکانی سۆڤیەتی پێشوو، بۆ ئەوەی زیاتر بە بەرگ و پۆشاكی جیاوازی کوردی ئاشنابین”.

هەواڵی پەیوەندیدار

رێز له‌ هونه‌رمه‌ند شێرزاد نانه‌كه‌لی دەگیرێت

ART

داهاتی فیلمی “Godzilla X Kong” لە سینەماکاندا

ART

داهاتی بەشی چوارەمی فیلمی “Kung Fu Panda”

ART