لە رێوڕەسمێکدا لە هەولێر، یادی هونەرمەند مشکۆ کرایەوە و ژمارەیەک هونەرمەند ئامادەی یادکردنەوەکە بوون.
یادکردنەوەکە بە ئامادەبوونی ئومێد خۆشناو، پارێزگاری هەولێر، جەودەت نەجار، راوێژکار لە بارەگای بارزانی، فەرهەنگ غەفور، بەڕێوەبەرى گشتیى رۆشنبیرى و هونەرى هەولێر و محەمەد دڵشاد، بەرێوەبەری گشتی رۆشنبیری تورکمانی و بنەماڵەی مشکۆ بەڕێوەچوو.
چالاکییەکە لە کۆمەڵەی رۆشنبیری تورکمانی بەڕێوەچوو و یادی 35 ساڵەیی کۆچی دوایی هونەرمەند ناودار شەوکەت سەعید کرایەوە کە ناوە هونەرییەکەی مشکۆیە.
چەند وتارێک پێشکێشکران، ژیانی هونەریی مشکۆ وەک هونەرمەندی قۆریات و بەستەو مەقاماتی کوردی و تورکمانی خرایەڕوو.
![](https://i0.wp.com/www.zagrosn.com/wp-content/uploads/2024/06/ffffff.jpg?fit=737%2C490&ssl=1)
هەواڵی پێشوو