هونەرمەند جەمیل نەوسودی، رۆژی دووشەممە لە مەریوانی رۆژهەڵاتی کوردستان کۆچی دواییکرد.
حەمەی حەمەسەعید، وەزیری رۆشنبیری و لاوانی حکومەتی هەرێمی کوردستان، پرسەنامەیەکی بڵاوکردەوە و ئاڕاستەی بنەماڵەو کەسوکاری هونەرمەند کراوە و تێیدا هاتووە: “بەبۆنەی کۆچی دوایی هونەرمەندی ناسراوی هەورامان و یەکێک لەپایە بەهێزەکانی سیاچەمانە، مامۆستا جەمیل ئەحمەدی ناسراو بە جەمیل نەوسودی ، سەرەخۆشی لەکەسوکارو دۆست و هاوڕێیانی دەکەم”.
هەر لە پرسەنامەکەدا هاتووە: “کاتێک، ناوی سیاچەمانە، وردەبەزم، دەرەیی، دێت، ناوی جەمیل نەوسودی لە پێشەنگەکاندایە، بەتەنیا خۆی قەڵایەک بوو بۆ پارێزگاری لە رەسەنایەتی هونەری هەورامان”.
“جارێکی تر بەناوی خۆم و وەزارەتی رۆشنبیری و لاوانەوە هاوخەمی کەسوکاری و خەڵکی هەورامانین. رۆحی شاد”.
![](https://i0.wp.com/www.zagrosn.com/wp-content/uploads/2024/03/asdasdasd.jpg?fit=400%2C571&ssl=1)