ئاژانسی هەواڵی زاگرۆس
فۆتۆ: عوسمان شەریف

پرۆژەی دۆكیومێنتكردنی مێژووی هەڵەبجە، راگەیەنرا

لە هۆڵی رۆشنبیری سلێمانی، بەهاوكاری بەڕێوەبەرایەتی گشتی رۆشنبیری و هونەری سلێمانی مەراسیمی راگەیاندنی پرۆژەی دۆكیومێنتكردنی مێژووی هەڵەبجە بەڕێوەچوو.

پڕۆژەکە بەئامادەبوونی د. موحسین ئەدیب، بەڕێوەبەری گشتی رۆشنبیری و هونەری سلێمانی و ژمارەیەكی بەرچاو لە میوانان راگەیێندرا.

لەگەڵ راگەیاندنی پڕۆژەکە، چەند بەڵگە و شێوازی بە دۆكیومێنتكردنەكە و كارەكانی ئێستا و داهاتوودا خرانەڕوو، كە لەرێگەی لیژنەیەكی (10) كەسییەوە ئەنجامدەدرێت وەكو خزمەتێكی بچووك، بە شارێكی گەورەی وەكو هەڵەبجە.

دواتر د. موحسین ئەدیب، لە وتەیەكدا، وێڕای پیرۆزبایی لە سەرپەرشتیارانی پرۆژەكە، ئاماژەی بە بایەخی پرۆژەی لەو جۆرە كرد، بۆ بەزیندوو هێشتنەوەی مێژووی شارێكی مێژوویی و كۆڵنەدەر و كانگای گەورە رووناكبیرانی وەكو هەڵەبجە، ئەوە جگە لەوەی هەڵەبجە سیمبولی ئاشتی و بەجینۆساید ناساندنی هەموو كوردە بەجیهان.

پاشان، ناساندنێك بۆ گرووپ و ئەندامانی پرۆژەكە كرا، لەگەڵ نمایشكردنی ڤیدیۆی چەند كەسایەتییەكی هەڵەبجە.

فۆتۆ: عوسمان شەریف

هەواڵی پەیوەندیدار

میشلین پریل کۆچی دوایی کرد

ART

پەیامێک لە دادگەی فیدراڵیی عێراقەوە لەبارەی مووچە

دڵشاد

داهاتی بەشی چوارەمی فیلمی “Kung Fu Panda”

ART