ئاژانسی هەواڵی زاگرۆس

وه‌زیری رۆشنبیری و لاوان دیارییه‌ك پێشكه‌ش به‌ په‌رله‌مانی سوێد ده‌كات

حه‌مه‌ی حه‌مه‌سه‌عید، وه‌زیری رۆشنبیری و لاوانی حكومه‌تی هه‌رێمی كوردستان، دیارییه‌كی تایبه‌تی له‌ بری خه‌ڵكی هه‌ڵه‌بجه‌ پێشكه‌ش به‌ په‌رله‌مانی سوێد كرد.

له‌ یادی 16ی ئازار و تاوانی كیمیاییبارانكردنی هه‌ڵه‌بجه‌دا، له‌ په‌رله‌مانی سوێد، ریوڕەسمێک رێكخرا.

رێوڕەسمەکە ساڵانه‌ له‌ لایەن هاوپەیمانی سوێد-کوردستان، تایبه‌ت به‌ ساڵیادی تاوانی كیمیاییبارانكردنی هه‌ڵه‌بجه‌ رێكده‌خرێت و رێكخراو و لایه‌نه‌ كوردییه‌كان بانگهێشت ده‌كرێن و وتاری تایبه‌ت پێشكه‌ش ده‌كرێت.

له‌ رێوڕەسمەکەی ئه‌مساڵدا، شۆڕش ره‌حیم، نوێنەری حکومەتی هەرێمی کوردستان لە سوید، جیاواز له‌ ساڵانی پێشتر، یه‌كێك بوو له‌ به‌شداربووان و وتاری حكومه‌تی هه‌رێمی كوردستانی پێشكه‌شكرد.

له‌ وتاره‌كه‌یدا، شۆڕش رەحیم، باسی لە هێز و توانای هەڵەبجەییەکان کرد لە دووبارە دروستکردنەوەی هیوا و ژیان بۆ شارەکە.

دوای وتاره‌كه‌، نوێنه‌ری حكومه‌تی هه‌رێمی كوردستان، به‌ ناوی خه‌ڵكی هه‌ڵه‌بجه‌وه‌، دیارییه‌كی تایبه‌تی حه‌مه‌ی حه‌مه‌سه‌عید، وه‌زیری رۆشنبیری و لاوانی پێشكه‌ش به‌ په‌رله‌مانی سوێد كرد.

دیارییه‌كه‌ی حه‌مه‌ی حه‌مه‌سه‌عید، بریتیبوو له‌ تابلۆیه‌كی هونه‌ری هونه‌رمه‌ندی هه‌ڵه‌بجه‌، نه‌سرین عه‌بدوڵڵا و به‌ ناوی خه‌ڵكی پارێزگای هه‌ڵه‌بجه‌ به‌ دیاری پێشكه‌ش به‌ په‌رله‌مانی سوێد كرا، له‌ پای بایه‌خدانیان به‌ یادی كیمیابارانی هه‌ڵه‌بجه‌ و هه‌ڵوێستی بۆ پشتیوانی له‌ گه‌لی كوردستان.

هەواڵی پەیوەندیدار

رێز لە هونەرمەند مەجید خۆشناو نرا

ART

جەمشید سروودێک لەبارەی پێغەمبەری ئیسلام بڵاودەکاتەوە

ART

داهاتی بەشی چوارەمی فیلمی “Kung Fu Panda”

ART