لە گەڕەكی مارتاڵ تەپە لە ئیستەمبۆڵ، باڵەخانەیەكی سێ نهۆمی رووخا و چەندین برینداری لێكەوتەوە.
ئەمرۆ یەكشەممە دووی حوزەیران، كاتژمێری 8:45 بەیانی، لە گەڕەكی مارتاڵ، باڵەخانەیەكی سێ نهۆمی رووخا، هۆكاری رووخانەكە دیار نییە، بەڵام زیانە گیانیەكانی زۆرن.
ئاژانسەكانی هەواڵی توركیا بڵاویان كردەوە، تیمەكان گەیشتوونەتە شوێنی رووداوەكە و لێكۆڵینەوە دەستی پێكردووە، دوو كەسیان بە برینداری رزگار كردووە، بەڵام كەسانی تر هەن كەوتوونەتە لە ژێر باڵەخانە رووخاوەكەدا.
پارێزگای ئیستامبۆڵ، لە راگەیەندراوێكدا باس لە رووخانی ئەو باڵەخانەیە دەكات و دەڵێت، تیمەكان گەیشتوونەتە شوێنی مەبەست و لێكۆڵنەوە دەستی پێكردووە.