بۆ دابەزاندنی نرخی دۆلار، ئەمڕۆ بانکی ناوەندیی عێراق خستنەڕووی دۆلاری زیاد کرد.
ئەمڕۆ سێشەممە، 11ی 6ی 2024، بانکی ناوەندیی عێراق، بڕی 279 ملیۆن و 109 هەزار دۆلاری خستە بازاڕەوە، لەو بڕەدا تەنیا 32 ملیۆن و 540 هەزار دۆلاری بە شێوەی نەختینەیە، 246 ملیۆن و 569 هەزار دۆلاریش بە شێوەی ئاڵوگۆڕی بازرگانیی بووە.
بەرزکردنەوەی فرۆشی دۆلار لەکاتێکدایە، چەند ڕۆژێکە بەهای دیناری عێراقی بەرامبەر دۆلار بەردەوامە له دابەزینە.
ئەمڕۆ 100 دۆلار هاوتای 147 هەزار و 100 دینارە، لە کاتێکدا لە سەرەتای مانگ بە 144 هەزار و 700 دینار بوو.