ئاژانسی هەواڵی زاگرۆس

عێراق 21 فڕۆکەی لە ئەمەریکا کڕی

سەرۆکی شانەی ڕاگەیاندنی ئەمنی، تەحسین ئەلخەفاجی، ڕایگەیاند، لەکاتی سەردانەکەی محەممەد شیعاع سوودانی، سەرۆکوەزیرانی عێراق بۆ ئەمەریکا، گرێبەستێکی بۆ کڕینی 21 هێلیکۆپتەر کردووە بۆ بەرزکردنەوەی تواناکانی سوپای عێراق.
تەحسین ئەلخەفاجی، بەئاژانسی هەواڵی عێراقی گوت: وڵاتەکەی گرێبەستی کڕینی 12 هێلیکۆپتەری جۆری “بێڵ 412 ” فرە مەبەست و 9 فڕۆکەی “بێڵ 407″ـی کردووە.
دەشڵێت: “ئەم گرێبەستانە میکانیزمێکی نوێیان بۆ خەرجکردنی پارە گرتۆتەبەر، بەو پێیەی پێشتر عێراق و ئەمەریکا پشتیان بە میکانیزمی (FMS) بەستبوو، واتە خەرجکردنی تەواوی بڕە پارەکە، بەڵام لە کاتی سەردانەکەی سەرۆکوەزیراندا، واشنتن بۆ یەکەمجار لە بواری چەکدا پشتی بە میکانیزمی (FMS) بەست، واتە تەنیا پارەی بەهای فڕۆکەکە دەدرێت.
ئەو بەرپرسە ئاماژەی بەوەشکرد، ئەمریکا 15 فڕۆکەی بێڵ 505ـی بۆ مەشق و ڕاهێنان دابینکردووە، هەروەها 5 فڕۆکەی بێڵ 412ـی بۆ هاوکاریکردنی عێراق دابینکردووە.
خەفاجی گوتیشی: فڕۆکەکان بۆ کارەکانیان گرنگن لە پاڵپشتی کردنی یەکەکان و هێزە زەمینییەکان، هەروەها بۆ سیخوڕیکردن، هەروەها بۆ فەیلەقی فڕۆکەوانی سوپا سوود بەخشن.
ئا:ج

هەواڵی پەیوەندیدار

له‌سه‌ر ناردنی مووشەکی بالیستیکی بۆ ڕووسیا، ئەمەریکا هۆشداری بە ئێران ده‌دات

سەڵاح

ژمارەی کوژراوانی کەرتی غەززە لە ٣١ هەزار و ٦٤٠ کەس تێپەڕی

یاسین

سوپای ئیسرائیل هێرشی زەمینیی بۆ سەر ناوچەی ڕەفەح دەستپێکرد و ده‌ستی به‌سه‌ر تاكه‌ ده‌روازه‌كه‌دا گرت

سەڵاح