ئاژانسی هەواڵی زاگرۆس

وەزارەتی ئەوقاف: تا پێنجی حوزەیران سەرجەم حاجیان دەگەنە سعوودیە

 

وتەبێژی وەزارەتی ئەوقاف و كاروباری ئایینیی حكوومەتی هەرێمی كوردستان رایگەیاند، کە ئەمڕۆ دووشەم 27ـی ئایار یەكەم كاروانی حاجیانی كوردستان بۆ شاری مەككەی پیرۆز بەڕێ کەوتن.

نەبەز ئیسماعیل، وتەبێژی وەزارەتی ئەوقاف و كاروباری ئایینیی حكوومەتی هەرێمی كوردستان، بە ئاژانسی ھەواڵی زاگرۆسی راگەیاند: ئەمڕۆ دووشەم 27ـی ئایار یەكەم كاروانی حاجیانی كوردستان بۆ شاری مەككەی پیرۆز بەڕێ کەوتن، سەرجەم ئامادەكارییەكان كراوە و حاجیان بەپێی ئەو پلانەی دانراوە، رۆژانە گەشتەكەیان دەكەن و دەگەنە سعوودیە.

ئەمساڵ بۆ یەكەمجار لە سعوودیە زمانی كوردیش چووە پاڵ ئەو 17 زمانەی لە رێبەری حەجی ئەو وڵاتە هەیە، بۆیە لەسەر زۆر لە تابلۆكان بە زمانی كوردیش ئاماژە و شوێنەكان دەنووسرێت.

ژمارەی حاجیانی كوردستان زیاتر لە چوار هەزار حاجییە، تێچووی هەر حاجییەك چوار هەزار و 500 دۆلارە.

دوای تەواوبوونی فەریزەی حەج بە ماوەی هەشت بۆ 10 ڕۆژ، سەرجەم حاجیان دەگەڕێنەوە هەرێمی كوردستان.

رێباز یونس

هەواڵی پەیوەندیدار

چه‌مچه‌ماڵ… تیرۆریستێک دەستگیرکرا کە لە عێراق داواکراوە

سەڵاح

لەسەرەتای مانگەوە تەنها کار بە کارتی نیشتمانی دەکرێت

یاسین

پرسەنامەیەک لە سەرۆکی حکومەتی هەرێمی کوردستانەوە

سەڵاح