ئاژانسی هەواڵی زاگرۆس

لیژنا بلند یا پیشەسازی و بەرھێنانێ ب سەروکاتیا پارێزگارێ دھۆکێ کۆمبوو و (١٨) پرۆژە پەسەندکرن

 

ئەڤرو رۆژا چارشەمبی  ب سەرپەرشتیا د.عەلی تەتەر پارێزگارێ دھۆکێ کۆمبوونا ئاسایی یا  لیژنا بلند یا پیشەسازی و بەرھێنانێ  ھاتە ئەنجامدان.

دکۆمبوونێدا گەنگەشە ل سەر ھژمارەکا داخازی وپرۆژێن پیشەسازی ویێن وەبەرھێنانێ یێن  خودان کار وسەرمایەدارێن پارێزگەھێ  ھاتنە کرن.

ھەر دکۆمبوونێ لیژنا بلند رازیبونا خو  ل سەر دامەزراندن وئاڤاکرنا (١٨) پرۆژێن پیشەسازی وبەرھێنانێ دبیاڤێن جودا جودا کر کو ئەڤ پرۆژە دێ ل جھێن جودا جودا ل سنورێ پارێزگەھێ ھێنە ئاڤاکرن و دەلیڤێن کاری بۆ ب سەدان گەنج و خودان پیشەیا دابین کەن.

پارێزگارێ دھۆکێ تەکەزکر کو دڤێت ھەموو پرۆژە یێن رازیبون ل سەر ھاتیە کرن ل دووڤ رێنمایێن لیژنێ ویاسایێن حکومەتا ھەرێما کوردستانێ بھێنە بجھئینان وبابەتێن تەندورستیا گشتی و پاقژیا ژینگەھێ ل بەر چاڤ بھێنە وەرگرتن وپشتەڤانیا پارێزگەھێ بۆ ھەموو سەرمایدار وبەرھێنەران دیارکر.

ھەژی گوتنێ یە ئەو پرۆژەیێن رازیبون ل سەر ھاتیە دان ڤان سەکتەرا بخوڤە دگرن ( کارگەھێن ئاڤێ ودەرمانێن پاقژکرنێ ونوشداری و بەرھەمێن پترولێ وکوگەھێن عومبارکرنێ وکارگەھێن ئەلەمنیومی وئاسنی کەل وپەلێن خارنێ وجل وبەرگا و…ھتد).

هەواڵی پەیوەندیدار

به‌ وێنه‌… كۆنترۆلكردنی ئاگره‌كه‌ی ئه‌مڕۆی كۆگای یاری منداڵان

سەڵاح

سەرۆك بارزانی پێشوازی لە سەرۆكی ئەنجوومەنی نوێنەرانی عێراق بە وەكالەت دەكات

دڵشاد

پەیامی سەرۆک بارزانی لە ساڵیادی کیمابارانکردنی هەڵەبجە

یاسین