ئاژانسی هەواڵی زاگرۆس

سه‌رپه‌رشتیاری پڕۆژه‌ی (هه‌ژماری من) ده‌نگۆیه‌ك ره‌تده‌كاته‌وه‌

بەرپرسێکی پڕۆژەی (هەژماری من) ئاشکرای کرد، بۆ پێدانی کارتی مووچە هیچ بڕە پارەیەک وەرناگیرێت، تەنیا مانگانە بانکەکان بڕێکی کەمی پارە وەکوو عموولە وەردەگرن. وەزارەتی داراییش سەبارەت بەمە ڕوونکردنەوە دەدات.

مەڕوان ئازۆز ئەحمەد، سەرپەرشتیاری پڕۆژەی (هەژماری من) لە نووسینگەی سەرۆك وەزیرانی حكوومەتی هەرێمی كوردستان،  ڕایگەیاند: “سەبارەت بەو عموولە یان کرێیەی، کە لەبڕی پێدانی مووچە لە ڕێگەی کارتی (هەژماری من) وەردەگیرێت، دەمانەوێ فەرمانبەران دڵنیا بکەینەوە، کە تەنیا دوو هەزار و 500 دینار وەردەگیرێت.”

ئاماژەی بەوەش دا، کاتێک کارت دەدرێتەوە فەرمانبەران، هیچ بڕەپارەیەکی دیكە ناگیرێت.

بەرپرسێکی ‏وەزارەتی دارایی هەرێمی ‏كوردستان ڕایگەیاند: “ئەو دوو هەزار و 500 دینارە بەشێوەی عموولە بانکەکان لە مووچەخۆرانی وەردەگرن و لەبەرامبەر ئەمەشدا چەندین خزمەتگوزاریی دیکەیان پێشکەش دەکرێت، دەنگۆی بڕینی 1%ی مووچەی مانگانەی فەرمانبەران لە هەژمارەکەوە راستی نییە.”

بەرپرسەکەی دارایی جەختی کردەوە: “لە زۆربەی وڵاتان بانکەکان پارەی زیاتر لە هاوبەشەکانیان وەردەگرن، بەڵام لە (هەژماری من) بڕە پارەکە زۆر کەمە.”

سەرپەرشتیاری پڕۆژەی (هەژماری من)، ئاشکرای کرد: “فەرمانبەرێک مووچەی هەرچەند بێت، تەنیا دوو هەزار و 500 دینارەکەی لێ وەردەگیرێت، ئەوەش لەسەر بنەمای ڕێژەی مووچە نییە.”

مەڕوان ئازۆز ئەحمەد دەنگۆیەکی ڕەتکردەوە و گوتی: “فەرمانبەر دەتوانێ تەواوی مووچەی خۆی ڕابکێشێت، هیچ ڕێگرییەک نییە، فەرمانبەر ئازادە مووچەکەی چی لێ بکات.”

 

شوان به‌رزنجی

هەواڵی پەیوەندیدار

وڵاتانی ڕۆژئاوا له‌ په‌سه‌ندكردنی پڕۆژه‌ بڕیارێك هۆشداری ده‌ده‌ن

سەڵاح

لە ماوەی شەش مانگدا سەدان پێشلکراویی مافی مرۆڤ کراون

سەڵاح

یەکلاییکەرەوە.. بزانە ئێمباپێی بەشداری یاری داهاتوو دەکات؟

sirwan