ئاژانسی هەواڵی زاگرۆس

کۆلێژی پزیشکی لە زانکۆی هەڵەبجە دەکرێتەوە

وەزیری خوێندنی باڵا و توێژینەوەی زانستی رایگەیاند، فەرمانی دەرکردووە و لەمڕۆوە زانکۆی هەڵەبجە دەبێتە خاوەن کۆلێژێکی پزیشکی زۆر باش. ئاماژەی بەوەش کرد، “تاوەکو ئێستا وەکو پێویست قەرەبووی خەڵکی هەڵەبجە نەکراوەتەوە”.

ئەمڕۆ شەممە، 16-03-2024، لە کاتی بەڕێوەچوونی پانێلێک لە زانکۆی هەڵەبجە، بەبۆنەی 36ـەمین ساڵیادی کیمیابارانی هەڵەبجە، ئارام محەممەد قادر، وەزیری خوێندنی باڵا و توێژینەوەی زانستیی حکوومەتی هەرێمی کوردستان گوتارێکی پێشکەشکرد و باسی چەند پرسێکی کرد.

وەزیری خوێندنی باڵا و توێژینەوەی زانستی گوتی، “بەداخەوە تاوەکو ئێستا وەکو پێویست قەرەبووی خەڵکی هەڵەبجە نەکراوەتەوە. لە دوای رزگارکردنی عێراق و لەناوچوونی رژێمی دیکتاتۆری بەعس، دەبووایە دەسەڵاتدارانی عێراق جیددیتر بن لە قەرەبووکردنەوە و بەجینۆسایدناساندنی هەڵەبجە”.

ئارام محەممەد قادر ئاماژەی بەوەش کرد، “دەمەوێت ئەو موژدەیە بە هەموو لایەک رابگەیەنم، ئەمڕۆ فەرمانی کردنەوەی کۆلێژی پزیشکی لە زانکۆی هەڵەبجە رادەستی سەرۆکی زانکۆکە دەکەم و لەمڕۆوە زانکۆکە دەبێتە خاوەن کۆلیژێکی پزیشکی. داوا لە خەڵک و لایەنە پەیوەندیدارەکان دەکەین هاوکارمان بن بۆ ئەوەی زانکۆی هەڵەبجە ببێتە زانکۆیەکی زۆر باش و خاوەن کواڵێتییەکی بەرز”.

هەواڵی پەیوەندیدار

باران بارین دەست پێدەکاتەوە

یاسین

مپاپێ خه‌ون به‌ پریمه‌رلیگ ده‌بینێت

یاسین

سیستەمی ڕەوانەكردنی نیشتمانی بۆ پشتیوانیی هاووڵاتییانی گەڕاوە لە شاری سلێمانی كەوتە كار

یاسین