ئاژانسی هەواڵی زاگرۆس

سبەی باران بارین دەست پێدەکاتەوە

پسپۆرێكی كەشوهەوا رایگەیاند ، شەپۆڵێكی تری بارانبارین روو لە هەرێمی كوردستان  دەكات.
ئاراس جەبار پسپۆرێكی كەشوهەوا رایگەیاند: سبەی سێشەم لە کاتەکانی نیوەرۆ بەدواوە شەپۆلێکی نوێی بارانبارین ناوچە جیاجیاکانی سنووری پارێزگای هەولێر و دھۆک و ئیدارەی راپەرین دەگرێتەوە، بە تایبەت لە ناوچە شاخاوییەکانی سنوورەکەدا رێژەی بارانبارین زیاتر دەبێت.

راشیگەیاند: لەگەڵ هاتنی شەپۆڵەكە، نزمبوونەوەی بەرچاوی پلەکانی گەرماش روو دەدات بە تایبەت لە ناوچە شاخاوییەکانی ھەولێر و دھۆک بە ڕێژەی 4 تا 5 بەراورد بە ئەمڕۆ دووشەم، هەروەها لە ناوچە شاخاوییە سنوورییەكانیش بەفر دەبارێت.

هەروەها رایگەیاند: کاریگەری ئەم شەپۆڵە لە کاتەکانی سبەی شەو بە لاوازی دەگاتە ناوچەکانی سنووری پارێزگای سلێمانی و ھەڵەبجە و کەرکووک و باکوری گەرمیان، تەنیا ئەگەری نمەبارانی پچرپچر و ھەندێ شوێنێش بارانێکی کورت خایانی مامناوەند دەبێت.

ئاراس جەبار جەختیشی كردەوە كە کاریگەری ئەم شەپۆلە کورتخایەن دەبێت و بەرەبەیانی رۆژی چوارشەم کۆتایی پێ دێت.

ئاماژەی بەوەش دا كە لە رۆژی چوارشەمەوە تا ناوەراستی ھەفتەی داھاتوو کەشی تەواوی ناوچەکانی ھەرێمی کوردستان سەقامگیر دەبێت و پلەکانی گەرما پلە پلە رۆژانە بەرزبوونەوە بەخۆیەوە دەبینێتەوە.

هەواڵی پەیوەندیدار

ڕاگەیێندراوێك لە بارەگای بارزانی

دڵشاد

له‌ دوێنێوه‌ زۆرترین رێژه‌ی باران بارین له‌م پارێزگایه‌ بووه‌

یاسین

وەزارەتی دارایی بۆ دابەشكردنی مووچەی مانگی دوو وەزارەته‌كان ئاگادار دەكاتەوە

سەڵاح