ئاژانسی هەواڵی زاگرۆس

سەرۆکی ئاژانسی نێودەوڵەتیی وزەی ئەتۆمی گەیشتە تاران

 

ڕافائیل گڕۆسی، بەڕێوەبەری گشتیی ئاژانسی نێودەوڵەتیی وزەی ئەتۆمی بە سەرۆکایەتیی تیمێکی ئاژانس گەیشتە تاران.

میدیاکانی ئێران بڵاویان کردەوە، گڕۆسی بە مەبەستی بەشداریکردن لە کۆنفرانسی زانست و تەکنۆلۆژیای ئەتۆمیی ئێران و کۆبوونەوە لەگەڵ بەرپرسانی ئەو وڵاتە سەردانی ئێرانی کردووە.

ئاماژە بەمەش کراوە گڕۆسی لە تاران چاوی به حوسێن ئەمیرعەبدوڵڵاهیان، وەزیری دەرەوە و محەمەد ئیسلامی، بەڕێوەبەری ڕێکخراوی وزەی ئەتۆمیی دەکەوێت.

گڕۆسی بەر لەم سەردانە‌ی بۆ ئێران هۆشداریی دابوو، حکوومەتی ئێران پیتاندنی یۆرانیۆمی پێویست بۆ دروستکردنی چەکی ئەتۆمیی زیاد کردووە و بڕیارە دوای بەشداری لە کۆنفرانسی زانست و تەکنۆلۆژیای ئەتۆمیی ئێران لە کۆنگرەیەکی ڕۆژنامەوانیی هاوبەش لەگەڵ محەمەد ئیسلامی وەڵامی پرسیاری مێدیاکان بداتەوە.

هەواڵی پەیوەندیدار

نرخى نەوت دابەزی

یاسین

مەسرور بارزانی : هیوادارم مانگی رەمەزان، مانگی خێر و خۆشی و ئاشتی و ئارامی بێت

یاسین

بایدن سوپاسی حكوومه‌تی هه‌رێمی كوردستان و عێراق دەکات

یاسین